पारनेर | नगर सह्याद्री
कृषि उत्पन्न बाजार समिती, पारनेरच्या सभापतीपदी गंगाराम बेलकर आणि उपसभापतीपदी संदिप सालके यांची बिनविरोध निवड झाल्यानंतर, त्यांचा अधिकृत पदग्रहण समारंभ मंगळवार, दि. १४ एप्रिल रोजी पार पडणार आहे. भारतरत्न डॉ. बाबासाहेब आंबेडकर यांच्या जयंतीचे औचित्य साधून हा सोहळा आयोजित करण्यात आला असून, खासदार डॉ. नीलेश लंके यांच्या उपस्थितीत हा कार्यक्रम संपन्न होईल.
सकाळी नऊ वाजता पारनेर शहरातील डॉ. बाबासाहेब आंबेडकर आणि क्रांतीसूर्य महात्मा ज्योतिबा फुले यांच्या पुतळ्यांना अभिवादन करून कार्यक्रमाची सुरुवात होईल. त्यानंतर बाजार समितीच्या कार्यालयात नूतन पदाधिकारी आपला पदभार स्वीकारतील. या प्रसंगी मावळते सभापती किसनराव रासकर, उपसभापती किसनराव सुपेकर, सर्व संचालक मंडळ, नगराध्यक्ष, नगरसेवक तसेच महाविकास आघाडीतील घटक पक्षांचे पदाधिकारी व निलेश लंके प्रतिष्ठानचे कार्यकर्ते उपस्थित राहणार आहेत. या सोहळ्याला तालुयातील नागरिकांनी व शेतकर्यांनी मोठ्या संख्येने उपस्थित रहावे, असे आवाहन बाजार समितीच्या वतीने करण्यात आले आहे.
