अहिल्यानगर | नगर सह्याद्री
दौंड-मनमाड रेल्वेमार्गाच्या दुहेरीकरणाचे काम सध्या वेगाने सुरू असून, या प्रकल्पाच्या महत्त्वपूर्ण टप्प्यात शनिवारी (दि. 30 मे) हायस्पीड इंजिन ट्रायल घेण्यात येणार आहे. या पार्श्वभूमीवर रेल्वे प्रशासनाने नागरिकांना सतर्क राहण्याचे आवाहन केले आहे.
अहिल्यानगर जिल्ह्यातील सारोळा ते विसापूर या सेक्शनमध्ये सुमारे 16.20 किलोमीटर अंतरावर ही हायस्पीड चाचणी पार पडणार असून, यावेळी इंजिनाचा वेग ताशी 130 किलोमीटर इतका असणार आहे.हायस्पीड ट्रायलदरम्यान रेल्वे मार्गावरील तसेच लगतच्या गावांतील नागरिकांनी विशेष खबरदारी घ्यावी. लहान मुले, जनावरे तसेच अन्य व्यक्ती रेल्वे रुळांजवळ जाणार नाहीत, याची दक्षता घ्यावी, असे आवाहन रेल्वे प्रशासनाकडून करण्यात आले आहे.
