भेंडा | नगर सह्याद्री
गळितास आलेल्या उसाला चांगला भाव आणि वेळेत पेमेंट देण्याचे योग्य नियोजन करण्यात येईल अशी ग्वाही लोकनेते मारुतराव घुले पाटील ज्ञानेश्वर सहकारी साखर कारखान्याचे अध्यक्ष माजी आमदार नरेंद्र घुले पाटील यांनी दिली.
नेवासा तालुक्यातील भेंडा येथील लोकनेते मारुतराव घुले पाटील ज्ञानेश्वर सहकारी साखर कारखान्याचे अध्यक्ष माजी आमदार नरेंद्र घुले पाटील यांचे अभिष्टचिंतन व कारखाना संचालक मंडळ बिनविरोध निवडणुकीचे शिल्पकार माजी आ. चंद्रशेखर घुले पाटील यांचा ज्ञानेश्वर उद्योग समूह, कामगार संघटना व विविध संस्थाचे वतीने आयोजित सत्कार समारंभात घुले बोलत होते.
कारखान्याचे उपाध्यक्ष माजी आमदार पांडुरंग अभंग, तज्ञ संचालक डॉ. क्षितिज घुले पाटील, संचालक काकासाहेब नरवडे,बबनराव भुसारी, अशोकराव मिसाळ, पंडितराव भोसले, डॉ.नारायण म्हस्के, जनार्दन शेळके, दादासाहेब कोकणे, जनार्दन कदम, प्रसाद पटारे, मच्छिंद्र म्हस्के, रामनाथ राजपुरे, गोरक्षनाथ भेंडेकर, दत्तात्रय काळे, बाळासाहेब खरड, संतोष पावसे, विकास नन्नवरे, अमोल अभंग, ॲड. हिम्मतसिंह देशमुख, रविंद्र नवले, कार्यकारी संचालक अनिल शेवाळे, जनरल मॅनेजर रवींद्र मोटे व्यासपीठावर उपस्थित होते.
नरेंद्र घुले पाटील म्हणाले की, संघटनेवर विश्वास ठेवून अर्ज मागे घेतलेल्या सहकार्यांमुळे हे निवडणूक बिनविरोध झाली. सर्वांना बरोबर घेऊन त्यांच्या सूचना व कल्पना विचारात घेऊन मार्गक्रमण करू. संपूर्ण आशिया खंडात एल निनोचे संकट आहे. या नैसर्गिक अडचणीतून मार्ग काढत ऊस उत्पादन वाढीसाठी अधिक प्रयत्नांची गरज आहे. पांडुरंग अभंग, काकासाहेब नरवडे, अनिल शेवाळे यांनी ही मनोगत व्यक्त करून घुलेंना शुभेच्छा दिल्या. माजी संचालक जनार्दन पटारे, बाळासाहेब नवले, विष्णूपंत जगदाळे, अजित मुरकुटे, डॉ. शिवाजी शिंदे, अशोक वायकर, नामदेव निकम, बबनराव धस, तांत्रिक सल्लागार एम. एस. मुरकुटे, एस.डी. चौधरी, महेंद्र पवार, मुख्य अभियंता राहुल पाटील, मुख्य शेतकी अधिकारी सुरेश आहेर, नंदकिशोर पाटील, प्रशासकीय अधिकारी कल्याण म्हस्के, कामगार अधिकारी बाळासाहेब डोहाळे आदी उपस्थित होते.
