अहिल्यानगर / नगर सह्याद्री –
यशवंत सामाजिक प्रतिष्ठानच्या वतीने इमामपूर घाटाचे नामकरण ज्ञानेश्वरी घाट असे करण्यात आले. हभप उद्धव महाराज मंडलिक नेवासेकर, देविदास महाराज म्हस्के, राम महाराज झिंजुर्के, माजी मंत्री शंकरराव गडाख, माजी आमदार पाडुरंग अभंग, युवा नेते उदयन गडाख, डॉ. निवेदिता गडाख यांच्या उपस्थितीत घाटाचे नामकरण करण्यात आले. यावेळी हजारो वारकरी उपस्थित होते. घाटाच्या पायथ्याला ज्ञानेश्वर महाराजांचे शिल्प व पैस खांबाची प्रतिकृती साकारण्यात आली असून येणाऱ्या जाणाऱ्यांचे ही प्रतिकृती लक्ष वेधून घेत आहे.
