मुंबई / नगर सह्याद्री –
चित्रपटसृष्टीत कलाकारांच्या कामाइतकीच त्यांच्या वैयक्तिक आयुष्याचीही चर्चा होत असते. अशाच चर्चेत सध्या अभिनेत्री Hansika Motwani आली आहे. मैत्रिणीच्या पतीसोबत लग्न केल्यामुळे पूर्वी वादात सापडलेल्या हंसिकाच्या वैवाहिक आयुष्याबाबत आता मोठी बातमी समोर आली आहे.
मिळालेल्या माहितीनुसार, हंसिका मोटवानी आणि तिचे पती Sohail Kathuria यांनी परस्पर संमतीने घटस्फोट घेतला आहे. अवघ्या तीन वर्षे तीन महिन्यांच्या वैवाहिक आयुष्यानंतर दोघांनी वेगळे होण्याचा निर्णय घेतल्याचे सांगितले जात आहे. या बातमीमुळे चाहत्यांमध्ये आश्चर्य व्यक्त केले जात आहे.
हंसिकाने बालकलाकार म्हणून आपल्या अभिनय कारकिर्दीची सुरुवात केली होती. नंतर तिने Himesh Reshammiya यांच्या Aap Kaa Surroor या चित्रपटातून बॉलिवूडमध्ये पदार्पण केले. मात्र, हिंदी चित्रपटसृष्टीत अपेक्षित यश न मिळाल्याने तिने दक्षिणेकडील चित्रपटसृष्टीत अधिक काम केले.
मैत्रिणीच्या नवऱ्यासोबत लग्न केल्याने वाद
हंसिकाच्या लग्नावेळीही मोठा वाद निर्माण झाला होता. कारण तिने आपल्या जवळच्या मैत्रिणीच्या पतीसोबतच विवाह केला होता. Sohail Kathuria यांची पहिली पत्नी Rinky Bajaj असल्याचे सांगितले जाते आणि ती हंसिकाची मैत्रीण होती. या कारणामुळे अभिनेत्रीवर सोशल मीडियावर “होमब्रेककर” अशी टीका करण्यात आली होती.
कोणतीही पोटगी नाही
माहितीनुसार, दोघांनी परस्पर संमतीने घटस्फोट घेतला असून या प्रक्रियेत कोणत्याही प्रकारची पोटगी मागितलेली नाही. न्यायालयानेही कोणत्याही अटींशिवाय त्यांचा घटस्फोट मंजूर केला आहे.
2024 पासून वेगळे राहत होते
याचिकेनुसार, हंसिका आणि सोहेल यांच्यातील मतभेद वाढत गेल्यामुळे त्यांनी वेगळे होण्याचा निर्णय घेतला. दोघेही 2 जुलै 2024 पासून वेगळे राहत असल्याचे समोर आले आहे. कुटुंबीय आणि मित्रांनी समेट घडवून आणण्याचा प्रयत्न केला, मात्र त्यात यश आले नाही.
हंसिका मोटवानी आणि उद्योगपती सोहेल कथुरिया यांनी 4 डिसेंबर 2022 रोजी विवाह केला होता. आता त्यांच्या घटस्फोटाच्या बातमीने पुन्हा एकदा अभिनेत्रीच्या खासगी आयुष्याची चर्चा रंगली आहे.
