नवी दिल्ली / वृत्तसंस्था –
सध्या लग्नसराईचे दिवस सुरु आहेत. लग्नसराईच्या काळात सोने चांदी खरेदीसाठी ग्राहकांचा जास्त कल असतो. दरम्यान, सध्या सोने चांदीच्या दरात सातत्याने चढ-उतार होताना दिसत आहे. गेल्या आठवड्यात सोन्याचे दर वाढले होते. त्याआधी सोन्याच्या दरात चांगलीच घसरण झाली होती. आज आठवड्याच्या पहिल्याच दिवशी सोन्याचे दर घसरले आहेत. सोन्याचे दर प्रति तोळ्यामागे ३८० रुपयांनी घसरले आहेत.
सोनं ही एक गुंतवणूक आहे. तज्ज्ञांच्या मते, सोन्याच्या दरातील गुंतवणूक ही कधीच तोट्याची ठरत नाही. तुम्हाला नेहमीच फायदा होतो.त्यामुळे सोनं घेण्यासाठी खरेदीदारांची नेहमी गर्दी पाहायला मिळते. मात्र, मागच्या काही दिवसांपासून सोन्याचे दर दीड लाखांपेक्षा जास्त झाले आहेत. त्यामुळे खरेदीदारांनी सोनं खरेदीकडे पाठ फिरवल्याचे पाहायला मिळाले. दरम्यान, आजचे सोने चांदीचे दर जाणून घ्या.
२४ कॅरेटचे दर
आज २४ कॅरेट सोन्याचे दर प्रति तोळ्यामागे ३८० रुपयांनी घसरले आहेत. हे दर १,५२,४६० रुपये झाले आहेत. ८ ग्रॅममागे सोन्याचे दर ३०४ रुपयांनी घसरले असून १,२१,९६८ रुपये झाले आहेत. १० तोळ्यामागे सोनं ३,८०० रुपयांनी घसरले असून १५,२४,६०० रुपये झालं आहे.
२२ कॅरेटचे दर
२२ कॅरेट सोन्याचे दर प्रति तोळ्यामागे ३५० रुपयांनी घसरले आहेत. हे दर १,३९,७५० रुपये झाले आहेत. ८ ग्रॅममागे सोनं २८० रुपयांनी स्वस्त झालं असून हे दर १,११,८०० रुपये झाले आहेत. १० तोळ्यामागे ३५०० रुपयांची घसरण झाली आहे.
१८ कॅरेट सोन्याचे दर
आज १८ कॅरेट सोन्याचे दर प्रति तोळ्यामागे २९० रुपयांनी घसरले असून १,१४,३४० रुपये झाले आहेत. ८ ग्रॅममागे सोन्याचे दर २३२ रुपयांनी घसरले आहेत. हे दर ९१,४७२ रुपये झाले आहेत. १० तोळ्यामागे सोनं २९० रुपयांनी स्वस्त झालं असून १,१४,३४० रुपये झाले आहे. १० तोळ्यामागे सोन्याचे दर २,९०० रुपयांनी घसरले असून ११,४३,४०० रुपये झाले आहेत.
