मुंबई / नगर सह्याद्री
अमेरिका इराण युद्धजन्य परिस्थितीमुळे जळगावच्या बाजारात सातत्याने सोने-चांदीच्या दरात गेल्या 25 दिवसापासून चढ उतार पाहायला मिळत आहे. कालपर्यंत घसरलेले सोन्याचे भाव आज पुन्हा वाढले आहेत. सर्वसामान्यांसाठी हा मोठा धक्का आहे.
जळगावच्या सराफ बाजारात सोने आणि चांदीच्या भावात चांगलीच वाढ झाली आहे. गेल्या 24 तासात सोन्याचे दर हे 4 हजार रुपयांनी वाढले आहेत. तर चांदीचे दर 5 हजार रुपयांनी वाढले आहेत. त्यामुळे पुन्हा एकदा सर्वसामान्यांना सोने खरेदी करताना दहा वेळा विचार करावा लागणार आहे.
आज, 24 मार्च रोजी 10 ग्रॅम सोन्याचे दर जीएसटी सह 1 लाख 44 हजार 200 रुपयांवर पोहोचले आहेत. तर चांदीचे दर प्रति किलो 2 लाख 34 हजार 840 रुपयांवर जाऊन पोहोचले आहेत.
काल सोन्याच्या भावात जवळपास 7 हजार 500 रुपयांची ऐतिहासिक घसरण झाली होती. सोने जीएसटीसह 1 लाख 40 हजार 595 रुपयांवर पोहोचले होते. पण आज पुन्हा एकदा सोन्याच्या भावत वाढ झाली आहे.
