अहिल्यानगर / नगर सह्याद्री –
अस्वच्छतेचा ठपका ठेवत स्टेशन रस्त्यावरील हॉटेल सगम, सत्कारसह सहा हॉटेलचे परवाने अन्न व औषध प्रशासनाने निलंबित केले असल्याची माहिती सूत्रांकडून मिळाली आहे.
त्यामुळे शहरातील हॉटेल चालकांचे धाबे दणाणले आहेत. अन्न व औषध प्रशासन विभागाचे राज्याचे आयुक्त तुकाराम मुुंडे यांनी राज्यात अन्न व औषध प्रशासनस विभागाच्या अखत्यारित येणाऱ्या सर्वच अस्थापनांवर कारवाईचा धडका लावला आहे. स्वच्छतेसह अन्य नियमांचे पालन न करणाऱ्या हॉटेलवरही कारवाई करण्याचे आदेश वरिष्ठ अधिकाऱ्यांनी दिल्याने अधिकाऱ्यांनी शहरातील अनेक हॉटेलची तपासणी केली. त्यात हॉटेल सगम, हॉटेल सत्कार या दोन हॉटेलवर कारवाई करण्यात आली. हॉटेलमध्ये अस्वच्छता आढळल्याचा ठपका ठेवत परवाना निलंबित करण्यात आल्याची माहिती अधिकाऱ्यांनी दिली. या कारवाईमुळे इतर हॉटेल चालकांचे धाबे दणाणले आहेत.
