spot_img
अहमदनगरअशी 'ही' बनवाबनवी! बनावट मालाची 'अशी' पोलखोल, बालिकाश्रम रस्त्यावरील दोन दुकानदारांवर गुन्हा...

अशी ‘ही’ बनवाबनवी! बनावट मालाची ‘अशी’ पोलखोल, बालिकाश्रम रस्त्यावरील दोन दुकानदारांवर गुन्हा दाखल

spot_img

अहमदनगर। नगर सहयाद्री
बालिकाश्रम रस्त्यावरील दोन कापड दुकानात अंडर अरमोर कंपनीच्या नावाचा वापर करून मूळ कंपनीच्या परवानगी शिवाय बनावट पॅन्ट, शर्ट व जॅकेटची विक्री होत असल्याचा प्रकार उघडकीस आला. दोन्ही दुकानातून तीन लाख १८ हजार ४०० रूपये किमतीचे ४०५ कपडे जप्त करण्यात आले आहेत.

या प्रकरणी दोघांविरोधात तोफखाना पोलीस ठाण्यात गुन्हा दाखल करण्यात आला आहे. नेत्रीका कन्सल्टींग अ‍ॅण्ड इन्व्हेस्टीगेशन इंडिया प्रा.लि. कंपनीचे सिनीअर फिल्ड एझियुटीव्ह दीपक बाबुलाल पटेल (वय ४५ रा. मुंबई) यांनी फिर्याद दिली आहे. शिव स्पोर्ट्स दुकानातील शाहरूख ईस्माईल शेख (वय २६ रा. मंगलगेट) व श्री स्पोर्ट्स दुकानातील सतिष अशोक सायंबर (वय ३३ रा. कायनेटीक चौक) अशी गुन्हा दाखल झालेल्यांची नावे आहेत.

नेत्रिका कन्सल्टींग अ‍ॅण्ड इन्व्हेस्टिगेशन इंडिया प्रा.लि. कंपनीकडे अंडर अरमोर कंपनीचे स्वामित्व हक्क व संरक्षणाचे अधिकार आहे. या कंपनीचे सिनीअर फिल्ड एझियुटीव्ह पटेल यांना माहिती मिळाली की, बालिकाश्रम रस्त्यावरील शिव स्पोर्ट्स व श्री स्पोर्ट्स दुकानात अंडर अरमोर कंपनीच्या बनावट पँन्ट, टी शर्ट, जॅकेटची विक्री होत आहे. त्यांनी पोलीस अधीक्षक राकेश ओला यांना बुधवारी (दि. ३) पत्र दिले. अधीक्षक ओला यांनी स्थानिक गुन्हे शाखेच्या पोलिसांना कारवाईचे आदेश दिले.

पोलीस निरीक्षक दिनेश आहेर यांच्या मार्गदर्शनाखाली कंपनीचे एझियुटीव्ह पटेल, पोलीस उपनिरीक्षक तुषार धाकराव, पोलीस अंमलदार संदीप पवार, सचिन अडबल, संतोष खैरे, अमोल कोतकर, भाऊसाहेब काळे यांनी पंचासमक्ष सुरूवातीला शिव स्पोर्ट्स दुकानात कारवाई केली.

तेथे अंडर अरमोर कंपनीच्या बनावट १६२ पॅन्ट व १२६ टी शर्ट असा दोन लाख पाच हजार २०० रूपयांचा मुद्देमाल जप्त केला आहे. त्यानंतर पथकाने श्री स्पोर्ट्स दुकानात कारवाई केली असता तेथे अंडर अरमोर कंपनीच्या बनावट ४० जॅकेट, ४२ टी शर्ट व ३५ पॅन्ट असा एकूण एक लाख १३ हजार २०० रूपये किमतीचा मुद्देमाल मिळून आल्याने तो जप्त केला.

आणखी महत्वाच्या बातम्या

आणखी वाचा

आमदार जगताप यांचे नगरकरांना गिफ्ट! ‘या’ रस्त्यासाठी १५० कोटी मंजूर

अहमदनगर। नगर सहयाद्री- नगर महापालिकेने डीपी रस्त्यांच्या विकास कामांसाठी पाठवलेल्या ३०८ कोटी रुपयांच्या प्रस्तावातील कामांना...

‘मार्केटींग फेडरेशन अजित पवार गटाकडे’

श्रीगोंदा | नगर सह्याद्री राज्यातील महत्वपूर्ण समजल्या जाणार्‍या महाराष्ट्र स्टेट मार्केटिंग को-ऑपरेटिव्ह फेडरेशन या संस्थेच्या...

हिंद सेवा मंडळ विश्वस्थांविरोधात गुन्हा नोंदवा! पत्रकार परिषदेत ‘मोठा’ आरोप, नेमकं प्रकरण काय?

अहमदनगर | नगर सह्याद्री हिंद सेवा मंडळाच्या ताब्यातील ३ एकर २९ गुंठे नगर मनमाड रोड...

आरोग्य केंद्रात स्टिंग ऑपरेशन! रुग्णांची हेळसांड समोर? आक्रमक ग्रामस्थांनी दिला ‘मोठा’ इशारा

पारनेर। नगर सहयाद्री पारनेर तालुक्यातील खडकवाडी येथील प्राथमिक आरोग्य केंद्रात गोरगरिबांना आरोग्य सेवा मिळावी या...