श्रीगोंदा। नगर सहयाद्री-
राजकीय व्यासपीठावर जात भाषण केल्याच्या कारणातून श्रीगोंदा तालुयातील बेलवंडी पोलीस ठाण्याच्या कर्मचार्यावर पोलीस अधीक्षक राकेश ओला यांनी निलंबनाची कारवाई केली आहे. तसेच त्या कर्मचार्याची खातेनिहाय चौकशीचे आदेश काढले असल्याची माहिती समजली आहे. भाऊसाहेब शिंदे असे या पोलीस कर्मचार्याचे नाव असून तो बेलवंडी पोलिस ठाण्यात चालक पदावर कार्यरत आहे.
अधिक माहिती अशी : बेलवंडी पोलीस ठाण्यात चालक म्हणून कार्यरत असणार्या भाऊसाहेब शिंदे या पोलिस कर्मचार्याने तालुयातील एका गावात राजकीय पक्षाच्या कार्यक्रमात व्यासपीठावर जाऊन भाषण करत त्या राजकीय पुढर्याला मदत करण्याचे आश्वासन दिले.
या भाषणाची व्हिडिओ लिप काही जणांनी काढून तो व्हिडिओ पोलिस अधीक्षक राकेश ओला यांना देत संबंधित कर्मचार्यावर कारवाई करण्याची मागणी केली. घटनेची पोलीस अधीक्षकांनी तत्काळ दखल घेत या प्रकरणी प्राथमिक चौकशीनंतर पोलिस कर्मचारी भाऊसाहेब शिंदे यांना निलंबित केले. त्यांची खातेनिहाय चौकशी करण्यात येणार असून त्यानुसार पुढील कारवाई करण्यात येणार असल्याची माहिती मिळाली आहे.
