जालना। नगर सह्याद्री-
मराठा आरक्षणाची मागणी करणारे मराठा यॊद्धा यांची प्रकृती बिघडली असल्याची बातमी समोर आली आहे. त्यांच्या छातीत दुखू लागलं आहे. त्यामुळे त्यांच्यावर आंतरवली सराटीत उपचार सुरु करण्यात आले आहेत. छत्रपती संभाजी नगर मधल्या खासगी रुग्णालयातले डॉक्टर आंतरवली सराटीत पोहचले आहेत.
मागच्या काही दिवसांपासून मनोज जरांगे यांच्यावर छत्रपती संभाजी नगर येथील खासगी रुग्णालयात उपचार सुरु होते. त्यांना बरं वाटू लागल्याने शुक्रवारी डिस्चार्ज देण्यात आला होता. शुक्रवार दि. १० वाजता रात्री मनोज जरांगे यांची अचानक प्रकृती बिघडली त्यानंतर रात्री १.३० च्या सुमारास मनोज जरांगेंचा ईसीजी काढण्यात आला.
ईसीजी नॉर्मल असल्याची माहिती डॉक्टरांकडून देण्यात आली आहे. त्यानंतर अशक्तपणा जाणवत असल्याने त्यांना रात्री उशिरा सलाईन लावण्यात आले आहेत. आता त्यांची प्रकृती ठीक असून मनोज जरांगेंना अॅसिडीटी होऊ लागल्याने छातीत दुखू लागल्याचं डॉक्टरांनी सांगितलं आहे.
