कोपरगाव । नगर सहयाद्री
स्थानिक गुन्हे अन्वेषण नगर शाखेच्या पथकाने पुणतांबा चौफुली नजीक विमल पान मसाला, सुगंधित मसाला, जाफरानी जरदा असा १६ लाख रुपये किमतीचा गुटखा जप्त केला आहे. याप्रकरणी शहर पोलिसांनी मध्यप्रदेश येथील राजु उमराव भौल, मितेश राजु भाबड, अभय गुप्ता यांच्यासह योगेश कटाळे, कोपरगाव, किरण लामखडे, संगमनेर यांच्या विरोधात गुन्हा दाखल केला आहे.
कोपरगाव शहर पोलिस ठाण्याच्या हद्दीत असलेल्या पुणतांबा फाटा येथे अवैध प्रतिबंधित असा विविध कंपन्यांचा गुटखा, सुगंधी पान मसाला, सुगंधित तंबाखू याची बेकायदेशीरित्या वाहतूक सुरू असल्याची खबर स्थानिक गुन्हे अन्वेषन विभागाला मिळाली होती.
त्यानुसार संबंधित पोलिस पथकाने बुधवारी २४ एप्रिल रोजी धडक कारवाई करत जवळपास १६ लार्खाचा मुद्देमाल हस्तगत करत पाच जणांवर गुन्हा दाखल केला आहे. या धडक कारवाईने शहरासह तालुक्यातील अवैध व्यवसाय करणाऱ्यांचे चांगलेच धाबे दणाणले आहे.
