spot_img
अहमदनगरनगर शहरात ८७ हजारांचा गांजा जप्त! 'असा' लावला सापळा

नगर शहरात ८७ हजारांचा गांजा जप्त! ‘असा’ लावला सापळा

spot_img

अहमदनगर | नगर सह्याद्री
राहत्या घरी गांजाची विक्री करत असल्याची माहिती मिळाल्यावरून अहमदनगर स्थानिक गुन्हे शाखेने कारवाई करून आरोपीकडूृन ८६ हजार ६५० रुपये किमतीचा गांजा जप्त केला व त्यास जेरबंदही केले. शहरातील मध्यवस्तीत असलेल्या खिस्त गल्ली येथे हा छापा टाकण्यात आला.

लोकसभा निवडणूक लक्षात घेऊन अहमदनगर जिल्हा पोलीस अधीक्षक राकेश ओला यांनी पोलीस निरीक्षक दिनेश आहेर यांना जिल्ह्यातील अवैध धंद्यांची माहिती काढून त्यांच्याविरुद्ध कारवाई करण्याबाबत आदेश दिला होता. त्या आदेशान्वये पोलीस निरीक्षक दिनेश आहेर यांनी स्थानिक गुन्हे शाखेतील सहायक पोलीस निरीक्षक हेमंत थोरात, अंमलदार संदीप पवार, संतोष खैरे, रवींद्र घुंगासे, जालिंदर माने, विशाल तनपुरे व भाग्यश्री भिटे यांचे पथक नेमले. जिल्ह्यातील अवैध धंद्यांची माहिती काढून कारवाई करण्याबाबत सूचना व मार्गदर्शन करून पथकास रवाना केले.

हे पथक नगर शहर हद्दीत अवैध धंद्दे करणार्‍या इसमांची माहिती काढत असताना गेल्या २५ एप्रिल रोजी सहायक पोलीस निरीक्षक हेमंत थोरात यांना मतीन बशीर शेख (रा. जुना बाजार, खिस्तगल्ली, नगर) हा जवळ गांजा बाळगून त्याची राहत्या घरी बसूनच विक्री करतो अशी खात्रीशीर माहिती मिळाली. त्यानंतर कोतवालीच्या पथकाने छापा टाकला. विचारपूस केली असता त्याचे नाव मतीन बशीर शेख (वय-४५, रा. जुना बाजार, खिस्तगल्ली, अहमदनगर) असे असल्याचे आढळून आले.

त्याच्या घराची पंचासमक्ष झडती घेतली असता कॉटच्या खाली एका शेंदर्‍या, पांढर्‍या व सिल्व्हर रंगाच्या गोणीमधून उग्र वास येत असल्याचे आढळून आले. त्या गोणीत ओलसर पदार्थ बिया बोंडे, काड्या पाने संलग्न असलेला पाला आढळून आला. गांजा असल्याचे आरोपीने कबूल केले. पथकाने बशीर शेख याच्या घरातून गोणीत ठेवलेला ८६ हजार ६५० रुपये किमतीचा ०८ किलो ६६० ग्रॅम वजनाचा गांजा हस्तगत केला.

आरोपी मतीन शेख यास जेरबंद करून त्याच्याविरुद्ध कोतवाली पोलीस स्टेशन येथे गुन्हा दाखल करण्यात आला असून या गुन्ह्याचा पुढील तपास कोतवाली पोलीस स्टेशन हे करीत आहे. ही कारवाई जिल्हा पोलीस अधीक्षक राकेश ओला, पोलीस अधीक्षक प्रशांत खैरे अपर, नगर शहर विभागाचे उपविभागीय पोलीस अधिकारी अमोल भारती यांच्या सूचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.

आणखी महत्वाच्या बातम्या

आणखी वाचा

नेपाळ मार्गे भारताला हादरवण्याचा प्लॅन; लष्कर-ए-तैयबाचा मोठा प्ल्यान?

नवी दिल्ली : पहलगाम दहशतवादी हल्ल्‌‍यानंतर पाकिस्तान-समर्थित दहशतवादी संघटना पुन्हा एकदा भारतात घुसखोरी करण्याच्या...

आमदार रोहित पवारांवर ईडीकडून आरोपपत्र दाखल; वाचा सविस्तर

मुंबई । नगर सहयाद्री :- महाराष्ट्र राज्य सहकारी बँक घोटाळा प्रकरणी अंमलबजावणी संचालनालयाकडून मोठी...

अर्बन बँक घोटाळा प्रकरणात ‘ईडी’ ची एन्ट्री; चौकशी करणार?

अहिल्यानगर । नगर सहयाद्री:- नगर अर्बन बँकेतील सुमारे 291 कोटी रूपयांच्या घोटाळ्याची प्राथमिक चौकशी...

आ. दातेंनी विधानसभेत मांडली शेतकऱ्यांची व्यथा; पारनेर तालुक्यात बोगस बियाणे विकणारे दलाल; ‘त्यांचा…’

पारनेर । नगर सहयाद्री:- आमदार काशिनाथ दाते यांनी शेतकऱ्यांच्या न्यायासाठी विधानसभेत औचित्याच्या मुद्याद्वारे भक्कमपणे...