मुंबई। नगर सहयाद्री
महाराष्ट्र नवनिर्माण सेनेचे अध्यक्ष राज ठाकरें विरोधात दाखल प्रकरणाकडे सर्वांचे लक्ष लागले होते. महाराष्ट्र नवनिर्माण सेनेचे अध्यक्ष राज ठाकरे यांना हायकोर्टाने दिलासा दिल्याची बातमी समोर आली आहे. हायकोर्टाने कल्याण पोलिसांनी दाखल केलेला गुन्हा रद्द केला आहे.
२०१० मध्ये तडीपारीची नोटीस न स्वीकारल्याबद्दल कल्याण पोलीसांनी हा गुन्हा दाखल केला होता. याच प्रकरणी साल २०११ मध्ये राज ठाकरेंनी कल्याण कोर्टात हजेरी लावत जामीन मिळवला होता.
नोटीसच्या प्रकरणात राज ठाकरे यांनी आपल्यावरील गुन्हे आणि त्या अनुषंगाने न्यायालयाने सुरू केलेली कारवाई रद्द करण्यासाठी याचिका केली होती.
त्या याचिकेवर अंतीम सुनावणी होत महाराष्ट्र नवनिर्माण सेनेचे अध्यक्ष राज ठाकरे यांना दिलासा मिळाला असून न्यायालयाने दाखल केलेला गुन्हा रद्द केला आहे.
