अहमदनगर | नगर सह्याद्री
गेल्या दीड वर्षात मुख्यमंत्री एकनाथ शिंदे यांच्या मार्गदर्शनाखाली नगरसेवक संग्राम शेळके यांनी नगर तालुका प्रमुख पदी असतांना तालुक्यातील विद्यार्थी, शेतकर्यांसह विविध घटकांच्या समस्या सोडविण्याचा प्रयत्न केला. त्यांनी केलेल्या चांगल्या कामामुळे शिवसेनेचे जिल्हाध्यक्ष अनिल शिंदे यांनी संग्राम शेळके यांची उपजिल्हाप्रमुख, नगर शहरपदी नियुक्ती केली आहे.
याबाबतचे पत्र नुकतेच देण्यात आले.गेल्या दीड वर्षापूर्वी नगर तालुका शिवसेनेच्या तालुका प्रमुख पदी संग्राम शेळके यांची नियुक्ती करण्यात आली होती. त्यांनी केलेल्या चांगल्या कामामुळे त्यांची हिंदह्दयसम्राट शिवसेनाप्रमुख बाळासाहेब ठाकरे यांच्या आशीर्वादाने व शिवसेना मुख्य नेते, मुख्यमंत्री एकनाथ शिंदे यांच्या आदेशानुसार पदोन्नती करण्यात आली आहे.
त्यांची शिवसेनेच्या उपजिल्हापमुखपदी नियुक्ती करण्यात आली आहे. हिंदूह्दयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे यांची शिकवण याचा सक्रियपणे प्रचार आणि प्रसार कराल तसेच शिवसेना पक्ष वाढीसाठी सर्वांना सोबत घेऊन कार्य कराल असा विश्वास शेळके यांना दिलेल्या पत्रात व्यक्त करण्यात आला आहे.
