मुंबई। नगर सहयाद्री-
बंगालच्या उपसागरात तयार झालेल्या कमी दाबाच्या पट्ट्यान चक्रीवादळ तयार होत असून मध्यप्रदेश व महाराष्ट्रात पुढील दोन दिवस मुसळधार पावसाची शयता वर्तवण्यात आली आहे. २ डिसेंबरते हे ३ डिसेंबरच्या दरम्यान चक्रीवादळ तयार होईल. या दरम्यान राज्यात पावसाची दाट शक्यता असून हवामान खात्याने काही जिल्ह्याना यलो अलर्ट दिला आहे.
वादळी वाऱ्यासह पावसाची शक्यता
हवामान खात्याने राज्यातील विदर्भ आणि मराठवाड्यात विजांच्या गडगडाट आणि वादळी वाऱ्यासह पावसाची शक्यता वर्तवली आहे. विदर्भातील यवतमाळ, अमरावती, बुलढाणा, वाशीम या जिल्ह्यात मुसळधार पावसाची दाट शक्यता आहे. तसेच जळगाव, नाशिक तसेच मराठवाड्यातील जालना व छत्रपती संभाजीनगर येथे मेघगर्जनेसह पावसाची शयता वर्तवली आहे. विदर्भात रविवार ते मंगळवारपर्यंत मुसळधार पावसाने हजेरी लावली.
‘मिचॉन्ग’ चक्रीवादळाचा धोका
आयएमडीने च्या माहितीनुसार २ डिसेंबर आणि पुढे ३ डिसेंबरच्या सुमारास ‘मिचॉन्ग’ चक्रीवादळाचा धोका आहे. चक्रीवादळ दक्षिण दिशेकडे सरकण्याची शक्यता आहे, 2 डिसेंबरपर्यंत ती खोल दाबामध्ये तीव्र होईल आणि 3 डिसेंबरच्या सुमारास नैऋत्य बंगालच्या उपसागरात चक्रीवादळात बदलेल. हे संभाव्य वादळ देशाच्या दक्षिण भागात हे किनारपट्टीवर धडकण्याची शक्यता आहे.
