अपघाताची मालिका संपायचे नाव घेईना. नुकत्याच घडलेल्या काही घटना ताजा असतानाच आता आणखी एका मोठी बातमी आली आहे.
नेवासा तालुक्यात नगर-छत्रपती संभाजीनगर महामार्गावरील नेवासा फाटानजिक घाडगे ओढा आहे. या ओढ्यात गाडी उलटून अपघात झाला.
या अपघातात एकाच कुटुंबातील ५ जणांचा पाण्यात बुडून मृत्यू झाला. ही घटना रविवार (दि.२९ ऑक्टोबर) रात्री ११ च्या सुमारास घडली.
या अपघातात एक लहान मुलगी बचावली असून एका लहान मुलीसह तीन महिला व चालकाचा मृत्यू झाला आहे. अपघातात मृत पावलेले सर्व व्यक्ती एकाच कुटुंबातील आहेत.
ते छत्रपती संभाजीनगर येथील रहिवासी असल्याची प्राथमिक माहिती आहे. अपघाताची माहिती मिळताच नेवासा पोलिसांनी घटनास्थळी धाव घेतली होती. स्थानिक नागरिकांनी बचाव कार्यासाठी मदत केली.
