पुणे। नगर सहयाद्री-
शिक्षणाचे माहेर घर असलेल्या पुण्यात एक धक्कादायक घटना घडल्याचे वृत्त समोर आले आहे. भोंदूबाबाने तरुणाला १८ लाख रुपयांना गंडा घातला आहे. याप्रकरणी चार जणांविरोधात पोलीस ठाण्यात गुन्हा दाखल करण्यात आला असून शिक्षणाच्या माहेर घरात जादू टोण्याचा प्रकार घडल्याने एकच खळबळ उडाली आहे.
पुण्यातील हडपसर परिसरात वास्तव्यास असणाऱ्या एका तरुणाची एका मित्रमार्फत भोंदूबाबा यांच्याची ओळख झाली. मांत्रिक आईरा शॉबने माझ्याकडे दैवी शक्ती असल्याचे सांगून भोंदूबाबाने तरुणाला आमिष दाखवले. पैशाचा पाऊस पडतो असे म्हणतं एक अघोरी पूजा करणार असल्याचे सागिंतले. ठरल्याप्रमाणे अघोरी पूजा सुरु झाली. पूजेसाठी तरुणाला १८ लाख रुपये ठेवण्यास सागितले.
पूजा सुरू असताना अचानक त्या ठिकाणी काही तोतया पोलिस विराजमान झाले. तोतया पोलिसांनी भोंदूबाबासह तरुणाला मारहाण करत पूजेसाठी ठेवलेले १८ लाख रुपये पसार केले. हा सगळा डाव तरुणाच्या लक्षात त्याने पोलीस ठाणे गाठले. तरुणाच्या फिर्यादीवरून भोंदूबाबा आणि त्याच्या चार साथीदारा विरोधात गुन्हा दाखल करण्यात आला आहे.
