spot_img
अहमदनगरAhmadnagar Politics: नगरच्या मैदानात सभांचं 'मॅरेथॉन'! आता अजित पवारांची तोफ धडाडणार, मतदारांचे...

Ahmadnagar Politics: नगरच्या मैदानात सभांचं ‘मॅरेथॉन’! आता अजित पवारांची तोफ धडाडणार, मतदारांचे लागले लक्ष..

spot_img

अहमदनगर । नगर सहयाद्री
राज्यात तीन टप्प्यातील मतदान पार पडले आहे. राज्यात आता चौथ्या टप्प्यातील मतदानाची तयारी सुरू आहे. या पार्श्वभूमीवर नगरच्या मैदानात सभांचे मॅरेथॉन रंगल्याचे पहायला मिळत आहे. पंतप्रधान नरेंद मोदी यांच्यापाठोपाठ, ज्येष्ठ नेते शरद पवार, खा. संजय राऊत, मंत्री धनंजय मुंडे यांच्या सभा झाल्या आहेत. आता शुक्रवार दि. १० मे रोजी राज्याचे उमुख्यमंत्री अजित पवार यांची पारनेरमध्ये सभा पार पडणार आहे. त्यामुळे उपमुख्यमंत्री अजित पवार काय बोलतात याकडे सर्वांचे लक्ष लागले आहे.

अहमदनगर दक्षिण लोकसभा मतदार संघाचे महायुतीचे उमेदवार डॉ. सुजय विखे यांच्या प्रचारार्थ पंतप्रधान नरेंद्र मोदी यांच्या सभेचे नगरमध्ये आयोजन करण्यात आले होते. यावेळी पंतप्रधान मोदी यांनी ४ जून ही इंडिया आघाडीची एक्सपायरी डेट असून त्यानंतर या आघाडीचे झेंडे उचलायलाही कोणी मिळणार नाही.

तसेच गेली पन्नास वर्ष एक आत्मा महाराष्ट्रात फिरत असल्याची टीका पंतप्रधान नरेंद्र मोदी यांनी केली होती. तर महाविकास आघाडीचे उमेदवार निलेश लंके यांच्या प्रचारार्थ श्रीगोद्यात पार पडलेल्या सभेत शरद पवार यांनी मोदींच्या वक्तव्यावर पलटवार करत हा आत्मा ५० वर्ष नाही तर ५६ वर्षापासून हिंडतोय. मला विधानसभेत येऊन यंदा ५६ वर्ष झाली असल्याचे सांगत त्यांनी मोदी सरकारचा चांगलाच समाचार घेतला. तसेच नगरमध्येही लंके यांच्यासाठी सभा घेत मोदी सरकारवर सडकून टीका केली.

शेवगावमध्ये मंत्री धनंजय मुंडे यांची सभा झाली. त्यांनी देशात मोदींशिवाय पर्याय राहिला नसल्याचे सांगत खा. सुजय विखे यांना मोठ्या मताधिक्याने विजयी करण्याचे आवाहन केले.
महायुतीचे उमेदवार डॉ. सुजय विखे यांच्या प्रचारार्थ शुक्रवार दि.१० रोजी उपमुख्यमंत्री अजित पवार यांच्या सभेचे पारनेरमध्ये आयोजन करण्यात आले आहे.

परंतु विरोधी असलेले उमेदवार आ. नीलेश लंके हे अजित पवार यांचे कट्टर समर्थक होते. त्यांनी आमदारकीचा राजीनामा देत लोकसभेच्या आखाड्यात महाविकास आघाडीकडून उमेदवारी केली आहे. त्यामुळे उपमुख्यमंत्री अजित पवार आयोजीत सभेत नेमकं काय बोलणार याकडे अहमदनगर लोकसभा मतदार संघातील जनतेचे लक्ष लागले आहे.

आणखी महत्वाच्या बातम्या

आणखी वाचा

Ahmednagar News : शाळेच्या पहिल्याच दिवशी मोठा अनर्थ टळला; अहमदनगरमध्ये कुठे घडला गंभीर प्रकार…

स्लॅबचे प्लॅस्टर कोसळले | ठेकेदारावर तातडीने कारवाईची मागणी अहमदनगर | नगर सह्याद्री Ahmednagar News...

दुर्दैवी : विजेच्या शॉक लागून शेतकर्‍याचा मृत्यू, कुठे घडली घटना पहा

बेलवंडीतील घटना | ग्रामस्थांनी केला महाविरणाचा निषेध श्रीगोंदा | नगर सह्याद्री बेलवंडी शिवारात पडलेल्या विजेच्या...

पवारांनी मोदींच्या सभांचा स्ट्राईक रेटच काढला ; म्हणाले..

मुंबई: नगर सह्याद्री लोकसभा निवडणुकीत पंतप्रधान नरेंद्र मोदी यांनी राज्यात 18 सभा आणि एक रोड...

Nagar Arban Bank News : नगर अर्बन बँक घोटाळ्यात मोठी अपडेट; ‘त्या’ अधिकाऱ्याच्या खात्यात मोठे घबाड

अहमदनगर | नगर सह्याद्री Nagar Arban Bank News : येथील नगर अर्बन मल्टीस्टेट बँकेच्या...