निघोज । नगर सह्याद्री
शिवीगाळ करून मारहाण केल्याप्रकरणी फिर्याद देउनही आरोपीवर कुठल्याही प्रकारची कारवाई झाली नसल्यामुळे फिर्यादी यांनी निघोज पोलीसांच्या विरोधात उपोषणाचा इशारा दिला आहे.
अधिक माहिती अशी: वडनेर परिसरात फिर्यादी किसन जनार्दन वाजे यांची शेती आहे. शेतीच्या बांधावर त्यांच्या मालकीची झाडे आहेत. संभाजी शिवाजी थोरात, बाबाजी सखाराम थोरात, अरुण बाबाजी थोरात यांनी जेसीबीचे मालक गणेश रसाळ यांना बांधावरची झाडे काढण्यास सांगितले, ही माहिती मला मिळाल्यानंतर मी गणेश रसाळ यांना झाडे काढू नका असे सांगितले त्यानुसार रसाळ हे जेसीबी घेउन परत गेले.
या वरील थोरात बंधूंनी माझ्या घरी येऊन अर्वाच्य भाषेत शिवीगाळ करीत लाथा बुक्यांनी मारहाण करत जिवे मारण्याची धमकी दिली. याप्रकरणी निघोज पोलिस ठाण्यात फिर्याद दाखल केली आहे. फिर्याद दिल्यापासून तीन आठवड्या पर्यंत आरोपी विरुद्ध कुठल्याही प्रकारची कारवाई झालेली नाही. याचा अर्थ पोलिस आणी आरोपी यांची मिलीभगत झाली आहे. याचा अर्थ मला न्याय मिळणार नाही. यापेक्षा जिल्हा पोलिस अधीक्षक कार्यालयासमोर बेमुदत उपोषण करुन मी न्याय मागत आहे.
उपोषनाच्या माध्यमातून मला न्याय मिळेल व आरोपी विरुद्ध पोलीस कारवाई करतील अशी अपेक्षा असून तीन दिवसाच्या आत आरोपी विरोधात कारवाई न झाल्यास निघोज पोलीसांच्या विरोधात जिल्हा पोलिस अधीक्षक कार्यालयासमोर बेमुदत उपोषण करणार असल्याचा इशारा फिर्यादी किसन जनार्दन वाजे
यांनी निवेदनाद्वारे दिला आहे.
