जालना / नगर सहयाद्री : राज्यात आरक्षणाचा मुद्दा चांगलंच तापला आहे. मराठा आरक्षणासाठी एकीकडे रान पेटलेले असताना आज ओबीसी आरक्षण बचावासाठी राज्यातील सर्व पक्षीय ओबीसी नेते एकत्र आले. त्यांनी जालन्यातील अंबड येथे सभा घेतली.
यावेळी विविध नेत्यांनी राजकीय वक्तव्य केली. यावेळी बोलताना मंत्री छगन भुजबळ यांनी फडणवीस सरकारने मराठा आरक्षण कायदा मांडला त्यावेळी हात वर करून मत दिल होत असं सांगितलं. तसेच मराठा समाजच्या आरक्षणासाठी आमचा विरोध नाही असं ते म्हणाले. यावेळी भाजप नेते गोपीचंद पडळकर देखील आक्रमक झाले होते.
ओबीसीच्या मूळावर उठणाऱ्यांविरोधात एकजूट दाखवा. मराठ्यांना स्वतंत्र आरक्षण देण्यात यावे. ओबीसींनी एकजूट कायम ठेवावी अशी मागणी भाजप नेते गोपीचंद पडळकर यांनी केली. माळी, धनगर, वंजारी समाज म्हणजे माधवला एकत्र केल तर महाराष्ट्र जिंकल्याशिवाय राहणार नाही. ओबीसी नेत्यावर कोणी बोट दाखवले तर आम्ही हात दाखवल्याशिवाय राहणार नाही,
आजपासून घोषणा द्या, एक ओबीसी, एक कोटी ओबीसी ! इथून पुढे महाराष्ट्रात ओबीसी आंदोलनचा वणवा पेटवायचा आहे असे वक्तव्य भाजप आमदार देवयानी फरांदे यांनी जालना मेळाव्यात केले आहे.
दरम्यान जालना येथील ओबीसीच्या एल्गार मेळाव्याला पंकजा मुंडे अनुपस्थित राहिल्या. व्यासपीठावर मात्र त्यांची छायाचित्रे लावण्यात आली होती. लोकनेते गोपीनाथ मुने यांचे फोटोही यावेळी लक्ष वेधून घेत होते.
