नगर सह्याद्री टीम : दिवाळी जसजशी जवळ येत आहे तसतशी टायगर 3 बद्दलची उत्सुकता वाढत चालली आहे. हा चित्रपट सलमान खानला त्याचे जुने स्टारडम परत देईल का? त्याचे फ्लॉप सिनेमे थांबतील का? असे प्रश्न सध्या त्याच्या चाहत्यांना पडले आहेत.
हा चित्रपट यशराज फिल्म्सच्या स्पाय-व्हर्सचा एक भाग आहे, ज्यात टायगर, पठाण आणि वार सारख्या चित्रपटांचा समावेश आहे. त्यामुळे हा सिनेमा चालेल असे सर्वानाच वाटत आहे. ‘टायगर ३’मध्ये शाहरुख खान आणि सलमान खान झळकणार आहेत. पण आता या चित्रपटात आणखी एक बॉलिवूड स्टार कॅमिओ करणार असल्याची बातमी समोर आली आहे.
मीडिया रिपोर्टनुसार वॉर चित्रपटात स्पेशल एजंट कबीरची भूमिका साकारणारा हृतिक रोशन टायगर 3 मध्येही दिसणार आहे. असे सांगितले जात आहे की आगामी काळात आदित्य चोप्राने आपल्या प्रॉडक्शन हाऊसच्या चित्रपटांमध्ये अशीच रणनीती आखली आहे की इतर चित्रपटांमध्ये यशस्वी झालेले स्टार आपल्या सिनेमांत घ्यायचे. मात्र, टायगर ३ मध्ये हृतिक किती काळ दाखवला जाणार हे सध्या स्पष्ट झालेले नाही. तसेच त्याचा लूक सलमान खानसोबत असेल की तो सलमान-शाहरुखसोबत दिसणार हे कोणालाच माहीत नाही.
प्रेक्षकांना सरप्राइज देण्यासाठी आदित्य चोप्राने टायगर 3 मध्ये हृतिकच्या झलकची बातमी पूर्णपणे लपवून ठेवली आहे आणि चित्रपटाच्या टीमला याबद्दल मौन बाळगण्यास सांगितले आहे. 12 नोव्हेंबरला हृतिकची एन्ट्री प्रेक्षकांना थक्क करणार आहे. यावेळी टायगर 3 मध्ये सलमान खान आणि कतरिना कैफ यांचा मुकाबला इमरान हाश्मीने साकारलेल्या खतरनाक खलनायकशी होणार आहे. यात आता जोडीला शाहरुख आणि हृतिकही दिसतील. त्यामुळे प्रेक्षक सिनेमंकडे आकृष्ट होतील यात शंका नाही असा विश्वास निर्मात्यांना आहे.
