नगर सह्याद्री / राजस्थान :
सध्या भाजपची विजयी घौडदौड सुरु आहे. तीन राज्यात भाजपची सत्ता आली. त्यानंतर भाजप महाराष्ट्रात देखील सत्ता स्थापन करेल असे सांगण्यात येत आहे. तसा विश्वास भाजपकडून व्यक्त केला जात आहे.
दरम्यान एक राजकीय बातमी आली आहे. भारतीय जनता पार्टीने राजस्थानात मोठा विजय मिळवला. परंतु येथे मुख्यमंत्रीपदावरून खलबते सुरु आहेत. दिल्लीपासून जयपूरपर्यंत बैठका सुरु आहेत.
वसुंधरा राजे स्वत: दिल्लीत गेल्या असून भाजपाचे राष्ट्रीय अध्यक्ष जगत प्रकाश नड्डा यांच्यासोबत त्यांची भेट होऊ शकते, अशी चर्चा आहे. वसुंधरा राजे राज्याच्या बाहेर आहेत, पण तिथे राज्यात दुसराच खेळ सुरु झाला असल्याची माहिती मिळाली आहे.
सुरवातीला अशी माहिती फिरत होती की, भाजपाच्या 7 आमदारांना हॉटेलमध्ये थांबवून हायकमांडवर दबाव टाकण्याचा प्रयत्न झाला. परंतु एका प्रासिद्ध मीडियाच्या हाती आलेल्या वृत्तानुसार हॉटेलमध्ये थांबलेल्या 7 पैकी एक आमदार ललित मीणा आणि त्यांचे वडील हेमराज मीणा यांच्याशी त्या मीडियाने ने चर्चा केली.
वसुंधरा राजे आणि त्यांचे खासदार पुत्र दुष्यंत सिंह यांच्या सांगण्यावरुन आमदारांना हॉटेलमध्ये थांबवण्यात आलं होतं, असं हेमराज मीणा यांनी सांगितल आहे. वसुंधरा यांचे पुत्र दुष्यंत सिंह यांनी 7 आमदारांना सांगितलं होतं की, कोणीही पक्ष कार्यालयात जायच नाही. सगळे हॉटेलमध्येच थांबतील. 7 आमदारांना हॉटेलमध्ये थांबवणं, हे त्रासदायक आहे, असं हेमराज मीणा यांनी सागितलं.
हे पक्ष विरोधी पाऊल आहे का? त्यावर हेमराज मीणा यांनी स्पष्ट उत्तर देणं टाळलं. “हे पक्षशिस्ती विरोधात आहे किंवा नाही, हे पक्षाचे सरचिटणीस अरुण सिंह सांगू शकतील” असं हेमराज वीणा म्हणाले.
