पुणे | नगर सह्याद्री
आगामी लोकसभा निवडणुकीची रणधुमाळी सुरू झाली असून प्रत्येक पक्षांकडून उमेदवारांची नावे जाहीर केली जाते आहेत. अशातच राष्ट्रवादी काँग्रेसच्या शरदचंद्र पवार गटाने उमेदवारांची तिसरी यादी जाहीर केली आहे. यामध्ये सातारा आणि रावेर लोकसभा मतदारसंघातील उमेदवारांच्या नावाची घोषणा करण्यात आली आहे.
राष्ट्रवादी काँग्रेसच्या शरदचंद्र पवार गटाने एस या समाज माध्यमावर पोस्ट करत दोन उमेदवारांची यादी जाहीर केली. त्यानुसार सातार्यातून शशिकांत शिंदे तर रावेरमधून श्रीराम पाटील यांना उमेदवारी देण्यात आली आहे.
महत्त्वाचे म्हणजे आज भाजपाकडूनही सातार्यातील उमेदवाराच्या नावाची घोषणा होण्याची शयता आहे.दरम्यान, राष्ट्रवादी काँग्रेसने यापूर्वी ३० मार्च आणि ४ एप्रिल रोजी सात उमेदवारांच्या नावाची घोषणा केली होती.
त्यानुसार वर्धेतून अमर काळे, दिंडोरीमधून भास्करराव भगरे, बारामतीतून सुप्रिया सुळे, शिरूर मतदारसंघातून अमोल कोल्हे, अहमदनगरमधून निलेश लंके, बीडमधून बजरंग सोनवणे आणि भिवंडीमधून सुरेश म्हात्रे यांना उमेदवारी देण्यात आली होती.
