spot_img
अहमदनगरAhmednagar Crime: पिकअप चोरणार्‍या दोघांना २४ तासात ठोकल्या बेड्या! 'असा' लावला सापळा

Ahmednagar Crime: पिकअप चोरणार्‍या दोघांना २४ तासात ठोकल्या बेड्या! ‘असा’ लावला सापळा

spot_img

अहमदनगर | नगर सह्याद्री
घरासमोर उभा केलेला पिकअप चोरून नेणार्‍या दोघांना एमआयडीसी पोलिसांनी २४ तासात अटक केली. त्यांच्याकडून चोरीची पिकअप व दुचाकी असा दोन लाख १० हजाराचा मुद्देमाल हस्तगत करण्यात आला आहे. संदीप आप्पासाहेब बर्फे व राहुल नवनाथ बर्डे (दोघे रा. आडगाव ता. पाथर्डी) अशी अटक केलेल्या चोरट्यांची नावे आहेत.

खोसपुरी (ता. नगर) येथील रज्जाक सिकंदर शेख यांची पिकअप (एमएच १६ एई २४१४) त्यांच्या राहत्या घरासमोरून अज्ञात चोरट्यांनी चोरून नेली होती. याप्रकरणी शेख यांनी दिलेल्या फिर्यादीवरून एमआयडीसी पोलीस ठाण्यात गुन्हा दाखल करण्यात आला होता. सदर गुन्ह्याचा तपास एमआयडीसी पोलीस करत असताना त्यांनी घटनास्थळ व परिसरातील सीसीटीव्ही फुटेज व गोपनीय माहिती काढली असता तो पिकअप जोडमोहज (ता. पाथर्डी) येथे असल्याचे समोर आले.

पोलिसांच्या पथकाने पिकअप व त्याची चोरी करणार्‍या दोघा संशयितांना ताब्यात घेतले. त्यांच्याकडे चौकशी केली असता त्यांनी पिकअप चोरीसह आडगाव येथून दुचाकी (एमएच १६ सीएल ७४०५) चोरी गेल्याची कबूली दिली आहे. पोलिसांनी पिकअप, दुचाकी हस्तगत करून दोघांना अटक केली.
सहायक पोलीस निरीक्षक माणिक चौधरी यांच्या मार्गदर्शनाखाली पोलीस अंमलदार नंदकिशोर सांगळे, राजु सुद्रिक, किशोर जाधव, सुनील आव्हाड, विष्णु भागवत, भगवान वंजारी, केदार यांच्या पथकाने ही कारवाई केली.

 

आणखी महत्वाच्या बातम्या

आणखी वाचा

पारनेरमध्ये बिबट्या जेरबंद; भीतीच्या सावटाखाली ग्रामस्थ

पारनेरमध्ये बिबट्या जेरबंद; भीतीच्या सावटाखाली ग्रामस्थ शेतकऱ्याची शेळी खाल्ल्यानंतर वन विभागाची मोहीम यशस्वी सुपा / नगर...

वनविभागाच्या निष्क्रियता: पारनेर तालुक्यात बिबट्यांचा वाढता उपद्रव; कळस येथील घटनेने खडकवाडी येथील घटनेची आठवण!

गणेश जगदाळे | नगर सह्याद्री पारनेर तालुक्याच्या उत्तर भागात मुळा नदीचा पट्टा व मुळा धरण...

आरास अन्‌‍… गर्दीच गर्दी…; बाप्पाच्या विसर्जनासाठी गणेशभक्त सज्ज, निवडणुकीच्या पार्श्वभूमीवर ‌‘डीजे‌’चा दणदणाट

अहिल्यानगर | नगर सह्याद्री दरवर्षी प्रमाणे यंदाही लाडक्या गणरायाचे भव्य स्वागत डीजेच्या दणक्यात गणेश भक्तांनी...

झेडपीला महायुती विरुद्ध महाविकास आघाडीच!

नगर तालुका पंचायत समितीसाठी आमदार शिवाजी कर्डिले विरुद्ध खा. नीलेश लंके, प्रा. शशिकांत गाडे...