spot_img
अहमदनगरAhmednagar News : संप चिघळला!! ट्रक चालकांच्या तोंडाला काळे, चपलांचा हार आणि...

Ahmednagar News : संप चिघळला!! ट्रक चालकांच्या तोंडाला काळे, चपलांचा हार आणि पुढे..

spot_img

अहमदनगर | नगर सह्याद्री
अहमदनगर ड्रायव्हर युनियन संघटनेच्यावतीने केंद्र शासनाचा हिट अँड रन कायदा रद्द करण्याच्या मागणीसाठी नगर शहरातील फलटण पोलिस चौकी कोठला येथे आंदोलन सुरु होते. दरम्यान, आंदोलनकर्त्यांनी सुरु असलेल्या वाहनांवर हल्ला करत वाहन चालकांना काळे फासले, तसेच चालकांना चपलांचा हार घातला. दरम्यान जमावाला पांगवण्यासाठी पोलिसांनी सौम्य लाठीचार्ज करत आंदोलनकर्त्यांना ताब्यात घेतले.

अहमदनगर ड्रायव्हर युनियन संघटनेच्यावतीने फलटण पोलिस चौकी कोठला येथून शहरातील सर्व ड्रायव्हर एकत्र येऊन केंद्र शासनाने लागू केलेल्या हिट अँड रन कायदा रद्द करण्याच्या मागणीसाठी जिल्हाधिकारी कार्यालयावर मोर्चा काढण्यात आला होता. तसेच कोठला परिसरात आंदोलन सुरु होते. यावेळी वाहतूक बंद ठेवण्याचा निर्णय घेण्यात आला होता.

दरम्यान गुरुवारी सकाळी आंदोलन कर्त्यांनी आक्रमक पवित्रा घेत सुरु असलेल्या वाहनांवर हल्ला करत वाहन चालकांच्या तोंडाला काळे फासले. तसेच चालकांच्या गळ्यात चपलांचे हार घालण्यात आले. वाहनांच्या काचाला काळे फासले, वाहनाच्या हवा सोडण्यात आल्या. दरम्यान घटनेची माहिती समजताच तोफखाना, कोतवाली, भिंगार पोलिसांनी घटनास्थळी धाव घेत आंदोलनकर्त्यांना पांगवण्यासाठी सौम्य लाठीचार्ज केला.

दरम्यान, आंदोलनकर्त्यांना पोलिसांनी ताब्यात घेतले आहे. केंद्राच्या हिट अँड रन या कायद्यामुळे ड्रायव्हर समाजात भीतीचे वातावरण निर्माण झाले आहे. ड्रायव्हर गाडी चालवण्यास तयार नसून ड्रायव्हरवर उपासमारीची वेळ आली असून केंद्राचा हिट अँड रन कायदा तत्काळ रद्द करण्यात यावा अशी मागणी ड्रायव्हर संघटनांकडून होत आहे.

आणखी महत्वाच्या बातम्या

आणखी वाचा

गणेशोत्सव: कार्यकर्ता घडविणारा अखंड कारखाना राहिलाय का!

समाजकारण-राजकारणाचे बाळकडू मिळणारा मंडप जुगारी अड्डा अन् गुंड- मवाल्यांच्या ताब्यात गेल्याचं बाप्पाला दु:ख! ‘जय...

अहमदनगर जिल्हा बँकेत मोठी नोकर भरती; ऑनलाईन अर्ज भरण्याची प्रक्रिया सुरु…

अहमदनगर / नगर सह्याद्री - जिल्हा सहकारी बँकेत संचालक मंडळाच्या मान्यतेने सुमारे 700 पदांसाठी...

‘मराठा समाजाला झुलवत ठेऊन राजकारणाची पोळी भाजू नका’

आमदार राजेंद्र राऊतांचा मनोज जरांगेंना टोला सोलापूर | नगर सह्याद्री स्वतःच्या राजकारणाची पोळी भाजण्यासाठी कोणीही मराठा...

विधानसभा निवडणूक; नव्या सर्व्हेच्या अंदाजाने मविआची चिंता वाढली; काय आहे अंदाज पहा

मुंबई / नगर सह्याद्री - राज्यात सध्या विधानसभा निवडणुकीचे वेध लागलेले आहेत. यंदा कुणाची...