नाशिक। नगर सहयाद्री-
मुंबई-आग्रा महामार्गावर एक धक्कादायक प्रकार घडला आहे. भरधाव एसटी बस आणि दुचाकी वाहनाचा अपघात झाला. या अपघातामध्ये आजोबा अन् नातीचा जागीच मृत्यू झाला असून कटूंबावर दु:खाचा डोंगर कोसळला आहे.
अधिक माहिती अशी: नाशिकच्या मुंबई-आग्रा महामार्गावरील मुंगसे गावा जवळ अपघात झाला. दुचाकी वाहनावरून आजोबा आपल्या शाळकरी नातीला शाळेत सोडण्यासाठी जात होते.
यावेळी नाशिककडून मालेगावकडे जाणा-या बसची धडक बसल्याने दुचाकी बसच्या खाली गेली. त्यामध्ये आजोबा आणि नातं चिरडली गेली. यामध्ये दोघांचाही मृत्यू झाला.
आजोबांसह नातीचा जागीच मृत्यू झालाय. त्यामुळे संपूर्ण गावातून हळहळ व्यक्त होत आहे. शाळेत जाताना वाटेतच काळ अशा पध्दतीने घाला घालेल अशी पुसटशीही कल्पना मनात आली नसेल. घटनेची माहिती मिळताच कुटुंबियांवर दु:खाचा डोंगर कोसळला आहे.
