spot_img
महाराष्ट्रजरांगे पाटलांच्या सभेला मदत केल्याची 'त्या' आमदार पुत्राची क्लिप व्हायरल, त्यानंतर 'त्या'...

जरांगे पाटलांच्या सभेला मदत केल्याची ‘त्या’ आमदार पुत्राची क्लिप व्हायरल, त्यानंतर ‘त्या’ सोबत आंदोलकांनी जे केलं…

spot_img

सोलापूर / नगर सह्याद्री :
एकीकडे मराठा आरक्षणाच्या आंदोलनाला हिंसक वळण लागलं असताना दुसरीकडे मराठा आंदोलकांनी अजित पवार गटाच्या एका आमदार पुत्राला हैराण करून सोडलंय. त्यांची एक ऑडिओ क्लिप व्हायरल झाली होती.

झाल्यानंतर संतप्त मराठा आंदोलकांनी जे कृत्य सुरू केलं त्यानंतर मात्र तो पुरता हैराण झाला आहे. मनोज जरांगे पाटील यांनी राज्याचा दौरा करताना पंढरपुरात सभा घेतली. सोलापुरातील माढा मतदारसंघाचे आमदार, अजित पवार गटाचे बबनराव शिंदे यांचे चिरंजीव रणजितसिंह शिंदे यांनी या सभेला आर्थिक मदत केली होती.

याबाबतचे बोलणे व्हायरल झाले आहे. ही मदत बोलून दाखविल्याने मराठा समाजाने वेगळेच आंदोलन सुरु केले आहे. मराठा समाजबांधवांनी आमदाराच्या मुलाला धडा शिकवण्याचा मार्ग शोधला आणि त्याला फोन पे वर १, २, ३ रुपये पाठवण्यास सुरवात झाली.

हे मेसेज आणि नोटीफिकेशन येऊन येऊन हा आमदार पूत्र पुरता त्रासला आहे. पंढरपूर तालुक्यातील सकल मराठा समाजाकडून रणजितसिंह शिंदे यांना फोनवरून पैसे पाठवले जात होते. रणजितसिंह शिंदे हे सोलापूर जिल्हा दूध संघाचे अध्यक्ष आहेत.

मालोजी चव्हाण नावाच्या तरुणाने शिंदे यांना फोनवर विचारले असता त्यांनी जरांगे पाटील यांच्या सभेसाठी पैसे पुरवले होते असे म्हटले आहे. या क्लिपवरून आता एक वेगळीच मोहीम सुरू झाली आहे.

आणखी महत्वाच्या बातम्या

आणखी वाचा

बिबट्यांचे हल्ले थांबवा, अन्यथा शस्त्र परवाने द्या, कोणी केली मागणी पहा

पारनेर | नगर सह्याद्री पारनेर तालुयात गेल्या काही महिन्यांपासून बिबट्यांचा वावर वाढल्याने शेतकरी, मजूर, शालेय...

हैदराबाद गॅझेट संदर्भात हाय कोर्टाचा मोठा निर्णय, काय दिलाय निर्णय?

मुंबई / नगर सह्याद्री मराठा समाजाला दिलासा देणारी बातमी समोर आली आहे. हैदराबाद गॅझेटच्या...

व्होट चोरीवर राहुल गांधींचा सर्वात मोठा बॉम्ब!; मत अ‍ॅड अन् डिलीट कशी केली जातात? सर्व दाखवलं

नवी दिल्ली / वृत्तसंस्था - लोकसभा निवडणुकांमध्ये मतचोरी झाल्याचा आरोप काँग्रेस नेते आणि लोकसभेतील विरोधी...

…तर लक्ष्मण हाकेंना रस्त्यावर ठोकू, लेकीबाळीची इज्जत काढतोय; मराठा क्रांती मोर्चाचा इशारा

मुंबई / नगर सह्याद्री - ओबीसी नेते लक्ष्मण हाके यांनी केलेल्या लग्नाच्या वक्तव्यावरून राजकाराण तापलं...