Crime News: शहरातील एका लॉजमध्ये प्रियकराने आपल्या प्रियसीवर धारदार शस्त्राने वार करून स्वतः गळफास घेत आत्महत्या केल्याची धक्कादायक घटना घडली आहे. यामुळे पिंपरी चिंचवड शहरातील खराळवाडी परिसरात एकच खळबळ उडाली असून पोलिसांनी घटनास्थळी धाव घेत मृतदेह ताब्यात घेतले आहे. नितेश नरेश मिनेकर असं आत्महत्या केलेल्या प्रियकराचे नाव आहे
अधिक माहिती अशी, पिंपरी चिंचवड शहरातील खराळवाडी येथील एका लॉज मध्ये सदरची घटना घडली. गुरुवारी दुपारी नितेश मिनेकर हा आपल्या प्रेयसीसोबत या लॉजमध्ये आला असल्याचे सीसीटीव्ही कॅमेऱ्यात दिसत आहे. लॉजमध्ये गेल्यानंतर काही वेळाने नितेश मिरेकर याने आपल्या प्रियसीवर धारदार शस्त्राने वार करून स्वतः गळफास घेत आत्महत्या केली.
घटनेची माहिती मिळताच पोलिसांनी घटनास्थळी धाव घेतली. तरुणाच्या हल्ल्यात गंभीर जखमी झालेल्या प्रेयसीला रुगणालयात दाखल करण्यात आले. मात्रप्रेयसीचाही उपचारादरम्यान मृत्यू झाला आहे. पोलिसांनी दोघांचे ही मृतदेह ताब्यात घेतले असून पुढील तपास सुरु आहे.
