spot_img
अहमदनगरAhmednagar Crime News : धक्कादायक! कर्ज हप्त्याच्या रकमेचा अपहार; कोणत्या बँकेतील प्रकार,वाचा...

Ahmednagar Crime News : धक्कादायक! कर्ज हप्त्याच्या रकमेचा अपहार; कोणत्या बँकेतील प्रकार,वाचा सविस्तर

spot_img

अहमदनगर | नगर सह्याद्री – 
Ahmednagar Crime News : कोटक महिंद्रा बँकेच्या नागापूर शाखेतील दोन कर्मचार्‍यांनी ग्राहकांकडून कर्ज हप्त्याची जमा केलेली सात लाख ३१ हजार ९२० रूपयांची रक्कम बँकेत न भरता परस्पर अपहार करून फसवणूक केली. या प्रकरणी कोटक महिंद्रा बँकेच्या नागापूर शाखेचे मॅनेजर संजय रघुनाथ भंडारे (वय ४५ रा. सारसनगर) यांनी एमआयडीसी पोलीस ठाण्यात फिर्याद दिली.

फिर्यादीवरून कर्मचारी गोविंद बबन गाडे (रा. कांबी, ता. शेवगाव) व सागर तुळशीराम शिंदे (रा. ढवळगाव, ता. श्रीगोंदा) यांच्या विरोधात अपहार, फसवणूक कलमान्वये गुन्हा दाखल केला आहे. कोटक महिंद्र बँकेच्या नागापूर शाखेतील वसुली प्रतिनिधी म्हणून काम करणारे गाडे व शिंदे यांनी बँकेच्या ग्राहकांकडून कर्ज हप्त्याची सात लाख ३१ हजार ९२० रूपयांची रक्कम जमा केली.

ती बँकेत न भरता परस्पर अपहार केला. यासंदर्भात बँकेने पोलिसांकडे तक्रार अर्ज दाखल केला होता. पोलिसांनी अर्जाची चौकशी केली असता अपहार झाल्याचे समोर आले. यावरून मॅनेजर भंडारे यांनी मंगळवारी एमआयडीसी पोलीस ठाण्यात फिर्याद दिली आहे. मे २०२३ मध्ये गाडे व शिंदे यांनी बँकेच्या कर्जदार ग्राहकांकडून कर्जहप्त्याची रक्कम रोख स्वरूपात जमा केली होती.

ही रक्कम कर्जदारांच्या खात्यात भरणे बंधनकारक असताना त्या दोघांनी त्याचा अपहार केला. कर्जाच्या हप्त्याच्या रक्कमेबाबत कर्जदारांकडे मागणी केली असता हा प्रकार लक्षात आला. त्यानंतर पोलिसांत तक्रार अर्ज दाखल करण्यात आला. पोलिसांनी तक्रार अर्जाची चौकशी करून दोघांविरोधात फसवणुकीचा गुन्हा दाखल केला आहे.

आणखी महत्वाच्या बातम्या

आणखी वाचा

बिबट्याच्या हल्ल्यात पारनेर तालुक्यात 40 वर्षीय व्यक्तीचा मृत्यू

  कळस परिसरात ग्रामस्थांमध्ये भीतीचे वातावरण; वनविभागाकडे तातडीने कारवाईची मागणी गणेश जगदाळे / नगर सह्याद्री : पारनेर...

सरकार झुकलं! मागण्या मान्य पण जरांगे पाटलांनी पुन्हा सरकारला दिला ‘हा’ इशारा

मुंबई / नगर सह्याद्री - मनोज जरांगे यांच्या मागण्याचा सरकारकडून जीआर काढण्यात आला आहे....

पानटपरीवर गॅंगवार; कोयत्याने सपासप वार! शहरात गुन्हेगारांचा कहर, चाललंय काय?, वाचा सविस्तर..

Ahilyanagar Crime News: पानटपरीवर बसलेल्या युवकावर दहा जणांच्या टोळक्याने प्राणघातक हल्ला केला. मित्राचे भांडण...

सबसे हटके गौतमी पाटील झटके! ‘टीप टीप बरसा पाणी’ वर स्विमिंग पूलमध्ये डान्स, पहा व्हायरल व्हिडीओ..

मुंबई | नगर सहयाद्री लोकप्रिय लावणी कलाकार आणि सोशल मीडिया स्टार गौतमी पाटील पुन्हा...