spot_img
अहमदनगरअहमदनगर : वाहन पार्किंगच्या कारणावरून डोक्याला लावली पिस्तूल, त्यानंतर...

अहमदनगर : वाहन पार्किंगच्या कारणावरून डोक्याला लावली पिस्तूल, त्यानंतर…

spot_img

कोठला येथील प्रकार | पितापुत्राला रॉडने मारहाण
अहमदनगर | नगर सह्याद्री – 
वाहन पार्किंगच्या कारणातून तरूणाच्या डोक्याला रिव्हॉल्वर लावून धमकावत रॉडने जीवे मारण्याचा प्रयत्न केला. मंगळवारी (दि. १४) दुपारी अडीच ते तीनच्या सुमारास कोठला परिसरात ही घटना घडली. इम्रान मुन्नार शेख (वय ३५ रा. मुकुंदनगर) असे जखमीचे नाव आहे. त्याच्यावर खासगी रूग्णालयात उपचार सुरू आहेत.

उपचारादरम्यान त्याने तोफखाना पोलिसांना दिलेल्या जबाबावरून आठ ते नऊ जणांविरोधात खुनाचा प्रयत्न कलमान्वये गुन्हा दाखल केला आहे. इम्रान चमेली, सरवर ऊर्फ भिम्या (दोघे रा. झेंडीगेट), जुबेर म्हैसावाला, एजाज चिच्ची (दोघे रा. मुकुंदनगर) व इतर चार ते पाच अनोळखी विरोधात गुन्हा दाखल केला आहे. इम्रान शेख व त्यांचे वडील कोठला येथील त्यांच्या मुन्नार मोटार गॅरेजमध्ये जेवण करीत असताना दोन चारचाकी वाहने गॅरेजसमोर येऊन उभा राहिली. त्यातील सर्वजण उतरून गुलशन हॉटेल येथे जेवण्यासाठी जात असताना दिसले.

तेव्हा इम्रान शेख व त्यांच्या वडिलांनी त्या वाहनातून उतरलेल्या व्यक्तींना, हॉटेलमध्ये जेवण करण्यास चालले तर वाहने तेथे पार्क करा, असे सांगितले असता त्यांना त्याचा राग आला. रागातून सरवर ऊर्फ भिम्या व एजाज चिच्ची यांनी इम्रान शेख यांना लाथाबुक्क्यांनी मारहाण केली. जुबेर म्हैसावाला याने रॉडने डोयात मारून गंभीर जखमी केले. इम्रान चमेली याने कमरेला लावलेले रिव्हॉल्वर काढून जिवे मारण्याच्या उद्देशाने डोयाला लावून लोड करत असताना इम्रान यांनी त्याच्या हाताला झटका मारून तेथून पळ काढला. गंभीर जखमी इम्रान यांना उपचारासाठी खासगी रूग्णालयात दाखल केले आहे.

आणखी महत्वाच्या बातम्या

आणखी वाचा

खासदार लंके यांचे उपोषण दुसर्‍या दिवशीही सुरुच

खा. लंकेंचा आंदोलनस्थळी मुक्काम । डॉक्टरांकडून उपोषणकर्त्यांची तपासणी अहमदनगर । नगर सह्याद्री नगर जिल्हा पोलीस प्रशासनातील...

काँग्रेस नेते बाळासाहेब थोरात यांना मोठे यश; 84930 शेतकर्‍यांना मिळणार इतका पीक विमा

संगमनेर । नगर सह्याद्री माजी कृषीमंत्री तथा काँग्रेस विधिंडळ पक्षाचे नेते आमदार बाळासाहेब थोरात यांच्या...

कोण म्हणतं महाराष्ट्राला काही नाही? फडणवीसांनी यादीच वाचली

नागपूर । नगर सह्याद्री केंद्रीय अर्थमंत्री निर्मला सीतारमन यांनी मोदी सरकार ३.० चा पहिला...

Pooja Khedkar प्रकरणाला वेगळं वळण! सगळा घोळच घोळ; मोदी सरकारने दिले चौकशीचे आदेश

पुणे / नगर सह्याद्री Pooja Khedkar Case: खासगी कारवर लाल दिवा लावल्याने वादात सापडलेल्या...