अहिल्यानगरमधील 67 व्या महाराष्ट्र केसरी कुस्ती स्पर्धेत वादग्रस्त निर्णय | राज्य कुस्तीगीर संघाची कारवाई
पुणे | नगर सह्याद्री
आंतरराष्ट्रीय कुस्ती पंच नितीश काबलिये यांना तीन वर्षांसाठी राज्य अजिंक्यपद कुस्ती स्पर्धा सहभागास बंदी घालण्यात आली आहे. महाराष्ट्र राज्य कुस्तीगीर संघाच्या वतीने ही कारवाई करण्यात आली. अहिल्यानगर येथे झालेल्या 67 व्या महाराष्ट्र केसरी कुस्ती स्पर्धेत एका सामन्यात नितीश काबलिये यांनी वादग्रस्त निर्णय घेतला होता. या निर्णयाबाबत एकसमिती स्थापन करून चौकशी करण्यात आली होती. या चौकशीत काबलिये यांना दोषी ठरवण्यात आले. त्यामुळे त्यांना आता तीन वर्षासाठी निलंबित करण्यात आले आहे. याबाबत महाराष्ट्र राज्य कुस्तीगीर संघाने नितीश काबलिये यांना पत्र पाठवण्यात आले आहे.
आंतरराष्ट्रीय कुस्ती पंच नितीश काबलिये यांना तीन वर्षांसाठी राज्य अजिंक्यपद कुस्ती स्पर्धा सहभागास बंदी घालण्यात आली आहे. महाराष्ट्र राज्य कुस्तीगीर संघाच्या वतीने ही कारवाई करण्यात आली. अहिल्यानगर येथे झालेल्या 67 व्या महाराष्ट्र केसरी कुस्ती स्पर्धेत एका सामन्यात नितीश काबलिये यांनी वादग्रस्त निर्णय घेतला होता. या निर्णयाबाबत एकसमिती स्थापन करून चौकशी करण्यात आली होती. या चौकशीत काबलिये यांना दोषी ठरवण्यात आले. त्यामुळे त्यांना आता तीन वर्षासाठी निलंबित करण्यात आले आहे. याबाबत महाराष्ट्र राज्य कुस्तीगीर संघाने नितीश काबलिये यांना पत्र पाठवण्यात आले आहे.
पत्रात म्हटले की, दिनांक 29 जानेवारी ते 2 फेब्रुवारी दरम्यान वाडीयापार्क अहील्यानगर येथे 67 वी वरीष्ठ राज्य अजिंक्यपद महाराष्ट्र केसरी कुस्ती स्पर्धा संपन्न झाली. या कुस्ती स्पर्धेमध्ये गादी विभागातील महाराष्ट्र केसरी वजनगटातील अंतिम फेरीमध्ये पै. पृथ्वीराज मोहोळ व पै. शिवराज राक्षे यांच्या कुस्तीस आपण गादीवर मुख्य पंच म्हणुन काम करत होता. कुस्ती दरम्यान आपण दिलेल्या चितपटीच्या निकालावरून प्रचंड गोंधळ झाला, पै. शिवराज राक्षे याने तुम्ही दीलेल्या निर्णयावर नाराज होऊन पंचाना मारहाण केली. पंचाना झालेल्या मारहानी बाबत महाराष्ट्र राज्य कुस्तीगीर संघाकडुन पै. शिवराज राक्षेवर शिस्तभंगाची कारवाई करत 3 वर्षाची स्पर्धा सहभाग बंदी घालण्यात आली.
आपण दिलेल्या चितपटीच्या निर्णयावरून महाराष्ट्रातील कुस्ती क्षेत्रामध्ये प्रचंड संभ्रमाचे वातावरण तयार झाले व उलट सुलट चर्चा होऊ लागल्या हे सर्व बाबींचे आवलोकन करून महाराष्ट्र राज्य कुस्तीगीर संघाने कुस्तीगीर संघाचे उपाध्यक्ष विलास कथुरे यांच्या अध्यक्षतेखाली सदर कुस्तीच्या निर्णयाबाबत एक चौकशी समिती स्थापण केली होती. चौकशी समितीचे प्रमुख विलास कथुरे यांनी चौकशी समितीचा अहवाल दिनांक 28 फेब्रुवारी 2025 रोजी महाराष्ट्र राज्य कुस्तीगीर संघास सादर केला.
सदर अहवालामध्ये आपणास दोषी धरण्यात आले असल्याने आपल्यावर महाराष्ट्र राज्य कुस्तीगीर संघाकडून 3 वर्षांसाठी राज्य अजिंक्यपद कुस्ती स्पर्धा सहभागास बंदी घालण्याचा निर्णय घेण्यात आलेला आहे. आपणास याबाबत आपले मत मांडायचे असल्यास पुढील 7 दिवसांमध्ये महाराष्ट्र राज्य कुस्तीगीर संघास लेखी स्वरूपात आपले मत मांडावे.
नेमके काय घडले होते….
29 जानेवारी ते 2 फेब्रुवारी दरम्यान वाडीयापार्क अहील्यानगर येथे 67 वी वरीष्ठ राज्य अजिंक्यपद महाराष्ट्र केसरी कुस्ती स्पर्धा संपन्न झाली. या कुस्ती स्पर्धेमध्ये गादी विभागातील महाराष्ट्र केसरी वजनगटातील अंतिम फेरीमध्ये पै. पृथ्वीराज मोहोळ व पै. शिवराज राक्षे यांच्या कुस्ती चितपटीच्या निकालावरून प्रचंड गोंधळ झाला, पै. शिवराज राक्षे याने पंचांनी दिलेल्या निर्णयावर नाराज होऊन पंचाना मारहाण केली. पंचाना झालेल्या मारहानी बाबत महाराष्ट्र राज्य कुस्तीगीर संघाकडुन पै. शिवराज राक्षेवर शिस्तभंगाची कारवाई करत 3 वर्षाची स्पर्धा सहभाग बंदी घालण्यात आली होती.
माझा डाव 100 टक्के बरोबर; पृथ्वीराज मोहोळ
पै. शिवराज राक्षेवर अन्याय झाला, असं त्याच्या कोचच म्हणण आहे. आंतरराष्ट्रीय नियमाप्रमाणे 30 ते 40 सेकंद इतकावेळ कुणी कुस्ती थांबवू शकत नाही. 5 ते 10 सेकंद कुस्ती होल्ड करता येते. खालच्या पैलवानाची प्रतिक्रिया नसल्यामुळे त्यांनी शिट्टी वाजवली असेल. कुठल्याही खेळाडूला शिट्टी कानावर पडण्याची प्रतिक्षा असते. मी डाव मारुन मोकळा झालेलो. पंचांनी शिट्टी वाजवली म्हणून मी कुस्ती सोडून दिली. जर रेफरीने शिट्टी वाजवली नसती, दोन सेकंद थांबले असते, माझा पाय त्या पैलवानाच्या छातीवर होता. पंचांनी शिट्टी वाजवल्यामुळे मी सामना सोडून दिला, जल्लोष सुरु केला असं पृथ्वीराज मोहोळने माध्यमांशी बोलतांना सांगितले. माझा डाव बरोबर होता असेही मोहोळ यांनी सांगितले. या स्पर्धेसाठी पैलवान रक्ताच पाणी करतात. पंचांनी शिट्टी वाजवल्यानंतर खेळाडूची काय चूक आहे. जे पैलवान नाही, ज्यांनी लंगोट घातला नाही, ते या वादाला ग्लो देत आहेत असं मत पृथ्वीराजने व्यक्त केले.
