अहमदनगर | नगर सह्याद्री
प्रॉपर्टी खरेदी विक्रीची नोंदणी नागरिकांना सुलभरित्या करता यावी यासाठी सह दुय्यम निबंधक कार्यालय आता शनिवारी व रविवारी या सुटीच्या दिवशीही सकाळी ९.४५ ते सायंकाळी ६.१५ यावेळेत खुले राहणार आहे. नोंदणी महानिरीक्षक व मुद्रांक नियंत्रक , महाराष्ट्र राज्य यांनी जारी केलेल्या आदेशाची नगरमध्ये सह दुय्यम निबंधक कार्यालयाकडून अंमलबजावणी सुरु झाली आहे, अशी माहिती सह जिल्हा निबंधक वर्ग- १ शरद झोटिंग यांनी पत्रकान्वये दिली आहे.
रियल इस्टेट क्षेत्रात खरेदी विक्रीची नोंदणी अतिशय महत्वाची असते. अनेकदा नागरिकांना या नोंदणीसाठी स्वत: सुटी घेऊन निबंधक कार्यालयात जावे ल ागते. त्यामुळे अनेकदा नागरिकांना कामाच्या ठिकाणावर रजा घ्यावी लागते किंवा व्यवसाय असेल तर तो बंद ठेवावा लागतो. त्यामुळे राज्यात नोंदणी कार्यालये शनिवारी, रविवारी या शासकीय सुटीच्या दिवशी खुले ठेवण्याची मागणी होत होती. त्या प्रमाणे राज्याचे महसूलमंत्री ना. राधाकृष्ण विखे पाटील यांनी तीन पैकी एक दुय्यम निबंधक कार्यालय सुरु ठेवणेचे घोषित केले होते . त्याची अंमलबजावणी करत नोंदणी महानिरीक्षक व मुद्रांक नियंत्रक , महाराष्ट्र राज्य यांनी सदर आदेश जारी केलेत. त्यामुळे आता नगरमधील पराग बिल्डिंग येथील सह दुय्यम निबंधक कार्यालय शनिवारी, रविवारी खुले राहणार आहे. या कार्यालयाला मंगळवारी, बुधवारी सुटी राहिल.
क्रेडाई अहमदनगर तसेच अहमदनगर शहर आणि नगर तालुयातील नागरिकांनी या निर्णयाचे स्वागत करून महसूलमंत्री व जिल्हयाचे पालकमंत्री राधाकृष्ण विखे पाटील, आ.संग्राम जगताप, आ.निलेश लंके, नोंदणी महानिरीक्षक व मुद्रांक नियंत्रक एच. एस. सोनवणे, नोंदणी उपमहानिरीक्षक व मुद्रांक उपनियंत्रक व्हि. एस . भालेराव, शरद झोटिंग यांचे आभार व्यक्त केले आहेत. क्रेडाई नगर चे अध्यक्ष अमित मुथा, सचिव प्रसाद आंधळे, अमित वाघमारे, दीपक बांगर, संजय पवार, ड. आर. टी. शर्मा यांचे आभार व्यक्त केले आहेत.
