नगर सह्याद्री टीम : Pune News : महाराष्ट्रातील अपघातांची मालिका सुरूच आहे. अपघाताच्या दुर्घटना संपण्याचे नाव घेत नाही.
आता पुण्यातून एक दुर्घटनेचे वृत्त आले आहे. यात ट्रक व जीपच्या भीषण अपघातात एकाच कुटुंबातील तिघांचा बळी गेल्याचे समजते. पुणे-नाशिक महामार्गावर हा अपघात झाला. मंचरजवळ आज (दि.१) पहाटे हा भीषण अपघात झाला आहे.
अधिक माहिती अशी : जीप नाशिकवरुन भोसरीच्या दिशेने चालली होती. या मार्गावरून जात असताना जीपने ट्रकला पाठीमागून जोरदार धडक दिली. ही धडक इतकी भीषण होती की जीपच्या पुढील भागाचा चक्काचूर झाला. दाट धुकं असल्याने समोरील ट्रकचा अंदाज न आल्याने हा अपघात झाल्याचं बोललं जात आहे.
