पारनेर / नगर सह्याद्री : मातोश्री पाणंद रस्ते योजनेंतर्गत पारनेर तालुक्यातील १९ रस्त्यांसाठी ४.५० कोटी रु प्रशासकीय मंजुरीसह मंजूर करून कामाची निविदा करण्यात आली. वासुंदे गावातील ६ रस्त्यासाठी १.५० कोटी पेक्षा जास्त निधी मंजूर करण्यात आला.
पाणंद रस्ते ही ग्रामविकासातील मुख्य घटक असून गावातील रस्ते विकासात मोठा सहभाग असल्याचे सुजित झावरे पाटील यांनी सांगितले. आज बोकनकवाडी ते लाखे जेडगुले वस्ती या २५ लाख रुपयांच्या पानंद रस्ता कामाचे भूमिपूजन सुजित झावरे पाटील यांच्या हस्ते करण्यात आले. यावेळी ते बोलत होते.
यावेळी सरपंच, उपसरपंच, चेअरमन, व्हा.चेअरमन, ग्रामपंचायत सदस्य, सोसायटी संचालक, आदिवासी बांधव व ग्रामस्थ मोठ्या संख्येने उपस्थित होते.
