मुंबई / नगर सह्याद्री : सरकारी नोकरीच्या शोधात असणाऱ्या तरुणांसाठी महत्वाची बातमी आली आहे. थेट केंद्रात नोकरी करण्याची संधी मिळणार आहे. विशेष म्हणजे तब्बल १२ हजार पदे भरली जाणार आहेत. ही भरती प्रक्रिया लवकरच राबवली जाणार असून भरती प्रक्रियेची अधिसूचना पुढील काही दिवसांमध्ये प्रसिद्ध होईल.
थेट आयकर विभागात नोकरी करण्याची ही संधी आहे. नुकताच या भरती प्रक्रियेबद्दलची माहिती ही केंद्रीय प्रत्यक्ष कर मंडळाचे अध्यक्ष नितीन गुप्ता यांनी दिली आहे. रोकड जप्तीचे प्रमाण वाढले असल्याने ही मोठी भरती राबवली जाणार आहे. या भरती प्रक्रियेसाठी शिक्षणाची अट ही लागू करण्यात येणार आहे.
या भरती प्रक्रियेसाठी अर्ज करण्याची पद्धत ही आॅनलाईनच असणार. लवकरच या भरती प्रक्रियेबद्दलची सविस्तर माहिती ही तुम्हाला आयकर विभागाच्या वेब साईटवर मिळेल. काही दिवसांपूर्वीच आयकर विभाग मुंबई यांच्यातर्फे देखील एक भरती प्रक्रिया राबवण्यात आली.
या भरती प्रक्रियेतून विविध पदे ही भरण्यात आली. गेल्या काही दिवसांपासून आयकर विभागाकडून मोठ्या प्रमाणात भरती प्रक्रिया या राबवल्या जात आहेत. मात्र, आता जी भरती राबवली जाणार आहे, ती भरती प्रक्रिया खरोखरच मोठी म्हणाली लागेल.
