नगर सह्याद्री टीम :
Odisha Accident News : अपघातांची मालिका सुरूच आहे. अपघाताच्या दुर्घटना संपण्याचे नाव घेत नाही. आता आणखी एक मोठे वृत्त आले आहे. देवदर्शनासाठी निघालेल्या वाहनाला भीषण अपघात झाला.
यामध्ये आठ जणांचा मृत्यू झाला तर सात जण गंभीर जखमी झाले. हा अपघात ओडिशात केंदुझार जिल्ह्यातील राष्ट्रीय महामार्ग 20 वर बालीजोडी आज सकाळी (दि.१) झाला. हे सर्व लोक पोदामारी गावातील होते.
अधिक माहिती अशी : पोदामारी गावातील 20 जण माँ तारिणी देवीच्या दर्शनासाठी व्हॅनमधून निघाले होते. वेगात असणाऱ्या वाहनाने उभ्या असलेल्या ट्रकला मागून धडक दिली.
हा अपघात इतका भीषण होता की, ७ जणांचा जागीच तर एकाचा उपचारादरम्यान मृत्यू झाला. सकाळी दाट धुकं असल्याने वाहन चालकाला ट्रक दिसला नसावा असा प्राथमिक अंदाज आहे.
अपघातात जखमी असलेल्या सर्वांना घटगाव रुग्णालयात दाखल करण्यात आले आहे. यात ८ लोक गंभीर जखमी असल्याचे समजते.
