बीड । नगर सहयाद्री-
बीड लोकसभा मतदारसंघाचे नवनिर्वाचित खासदार बजरंग सोनवणे यांच्या ताफ्यातील कारचा अपघात झाल्याची घटना काल मंगळवार दि. ४ रोजी मध्यरात्री घडली आहे. या अपघातात काहीजण जखमी झाले. त्यांना उपचारासाठी रुग्णालयात दाखल करण्यात आले आहे.
बीड लोकसभा मतदार संघातील नवनिर्वाचित खासदार बजरंग सोनेवणे यांच्या ताफ्यातील गाडीचा अपघात धुळे-सोलापूर महामार्गावर घडला आहे. बीड लोकसभेचे नवनिर्वाचित खासदार बजरंग सोनवणे हे काराने मंगळवारी रात्री मनोज जरांगे पाटील यांची भेट घेण्यासाठी गेली होती.
सोलापूर धुळे महामार्ग शहागड येथे काही मुस्लिम बांधव बजरंग सोनवणे यांचा सत्कार करण्यासाठी थांबले होते. हा सत्कार स्वीकारण्यासाठी बजरंग सोनवणे यांची गाडी शहागड पुलावर बजरंग सोनवणे यांच्या गाडीने ब्रेक लावल्यानंतर त्यांच्या पाठीमागे येणारे फॉर्च्यूनरने ही ब्रेक मारला.
या फॉर्च्युनर मागे चालत असलेल्या स्विफ्ट कारनेही ब्रेक मारला. परंतु ब्रेक मारताना स्विफ्ट कार चालकाचे नियंत्रण सुटले आणि या कारने बजरंग सोनवणे यांच्या गाडीच्या पाठीमागे चालणाऱ्या फॉर्च्युनर गाडीला धडक दिली. या अपघातात दोन जण जखमी झाले असून त्याच्यावर उपचार सुरु आहे.
