मुंबई / नगर सह्याद्री:
मनोज जरांगे पाटील हे मागील सहा दिवसापासून उपोषण करत आहेत. त्यांना पाठिंबा देण्यासाठी मराठा समाज राज्यभर आंदोलन करत आहे. आता या आंदोलनाला हिंसक वळण लागले असल्याचं चित्र पाहायला मिळत आहे.
बीडमधील माजलगावचे राष्ट्रवादीचे आमदार प्रकाश सोळंके यांच्या घरावर दगडफेक करण्यात आली. त्यांच्या वाहनांचेही नुकसान झाले. जाळपोळही झाली. आता अनेक नेत्यांच्या निवासस्थानी सुरक्षा वाढवण्यात आली आहे. आता त्यामुळे राज्याचे कॅबिनेट मंत्री आणि ओबीसी नेते छगन भुजबळ यांच्या शासकीय निवासस्थानाची सुरक्षा वाढवण्यात आली आहे.
दरम्यान, भुजबळ यांनी मराठा समाजाबाबत केलेल्या वक्तव्याची जोरदार चर्चा सुरू होती. त्यानंतर त्यांना मराठा समाजातूनही अनेक धमकीचे फोन त्यांना आले. मात्र, राजकीय नेत्यांच्या घरांवर होणारे हल्ले लक्षात घेता सुरक्षा व्यवस्था वाढवण्यात आली आहे.
