spot_img
अहमदनगरAhmednagar News Today: पैसे सोडा एटीएम मशीनच पळवली! एका चुकीमुळे टोळीच अडकली

Ahmednagar News Today: पैसे सोडा एटीएम मशीनच पळवली! एका चुकीमुळे टोळीच अडकली

spot_img

अहमदनगर | नगर सह्याद्री-
Ahmednagar News Today: अहमदनगर स्थानिक गुन्हे शाखेने एटीएम मशीन चोरणारी टोळी जेरबंद केली. भरत लक्ष्मण गोडे, सुर्यभान उर्फ काळ्या लक्ष्मण गोडे, अशोक रघुनाथ गोडे, सुयोग अशोक दवंगे, अजिंय लहानु सोनवणे असे अटक केलेल्या आरोपींची नावे आहेत. पोलिसांनी आरोपींकडून १ लाख ४२ हजार रुपये रोख रक्कम, गुन्ह्यात वापरलेली बोलेरो गाडी, मोबाईल व तुटलेले एटीएम असा ७ लाख ५२ हजार रुपयांचा मुद्देमाल जप्त केला.

अकोले तालुयातील समशेरपूर फाटा येथील आदिवासी सहकारी सोसायटी कॉम्प्लेसच्या गाळ्यामधील एटीएम चोरी झाले होते. ही घटना २३ डिसेंबरच्या रात्री घडली होती. चोरटयांनी एटीएम मशिनला दोरखंड बांधून ती मशिन बोलेरो गाडीने बाहेर ओढून काढली व घेऊन फरार झाले. नितीन सखाराम पाटील यांनी याबाबत अकोले पोलीस ठाण्यात फिर्याद दिली होती. पोलीस अधिक्षक राकेश ओला यांनी स्थानिक गुन्हे शाखेचे पोलीस निरीक्षक दिनेश आहेर यांना हा गुन्हा उघडकीस आणण्याबाबत आदेशित केले होते.

आहेर यांनी स्थानिक गुन्हे शाखेतील सपोनि हेमंत थोरात, पोहेकॉ बबन मखरे, दत्तात्रय गव्हाणे, मनोहर गोसावी आदींचे पथक तयार करून तपास सुरु केला. या पथकाने समशेरपूर परिसरामध्ये जाऊन परिसरातील सीसीटीव्हीचे फुटेज तपासले. पोलिस निरीक्षक दिनेश आहेर यांना हे एटीएम मशिन भरत लक्ष्मण गोडे (रा तिरडे, ता.अकोले) याने त्याच्या साथीदारांसह पळवल्याचे कळले.

पथकाने तो असलेल्या ठिकाणी जात कारवाई केली. पथकाने यावेळी वरील पाच आरोपींना ताब्यात घेतले. त्यांनी गणेश लहू गोडे याच्यासह गुन्हा केल्याची कबुली दिली. यातील आरोपी भरत लक्ष्मण गोडे हा रेकॉर्डवरील आरोपी असून त्याच्यावर घरफोडी व चोरीचे गुन्हे दाखल आहेत. अधिक तपास अकोले पोलीस करत आहेत.

आणखी महत्वाच्या बातम्या

आणखी वाचा

Ahmednagar News : चिंग्या साथीदारासह जेरबंद, जामखेडमध्ये मुकादमावर केला होता गोळीबार

अहमदनगर / नगर सहयाद्री : जामखेड गोळीबार प्रकरणातील दोन आरोपींना स्थानिक गुन्हे शाखेने...

आमदार जगताप यांचे नगरकरांना गिफ्ट! ‘या’ रस्त्यासाठी १५० कोटी मंजूर

अहमदनगर। नगर सहयाद्री- नगर महापालिकेने डीपी रस्त्यांच्या विकास कामांसाठी पाठवलेल्या ३०८ कोटी रुपयांच्या प्रस्तावातील कामांना...

‘मार्केटींग फेडरेशन अजित पवार गटाकडे’

श्रीगोंदा | नगर सह्याद्री राज्यातील महत्वपूर्ण समजल्या जाणार्‍या महाराष्ट्र स्टेट मार्केटिंग को-ऑपरेटिव्ह फेडरेशन या संस्थेच्या...

हिंद सेवा मंडळ विश्वस्थांविरोधात गुन्हा नोंदवा! पत्रकार परिषदेत ‘मोठा’ आरोप, नेमकं प्रकरण काय?

अहमदनगर | नगर सह्याद्री हिंद सेवा मंडळाच्या ताब्यातील ३ एकर २९ गुंठे नगर मनमाड रोड...