spot_img
आरोग्यHealth Tips : हिवाळ्यात 'अशा' पद्धतीने खा हरभरा, बाबा रामदेव म्हणतात मधुमेह...

Health Tips : हिवाळ्यात ‘अशा’ पद्धतीने खा हरभरा, बाबा रामदेव म्हणतात मधुमेह येईल नियंत्रणात

spot_img

नगर सह्याद्री टीम : सध्या भारतामध्ये मधुमेहाचे रुग्ण वाढीस लागले आहेत. मधुमेहाच्या आजारात रक्तातील साखरेची पातळी योग्य राखणे फार महत्वाचे आहे. कारण रक्तातील ग्लुकोजची पातळी वाढल्याने हृदयविकाराचा झटका, मूत्रपिंड निकामी होणे, एकाधिक अवयव निकामी होणे आणि स्ट्रोक यांसारख्या अनेक गंभीर आणि जीवघेण्या परिस्थितींचा धोका वाढतो. रक्तातील उच्च साखरेची पातळीला वैद्यकीय भाषेत हायपरग्लायसेमिया म्हणतात. आरोग्य तज्ज्ञांचे म्हणणे आहे की अन्नाचा रक्तातील साखरेच्या पातळीवर मोठा परिणाम होतो.

त्यामुळे मधुमेही रुग्णांनी आहाराबाबत अधिक काळजी घेण्याचा सल्ला तज्ज्ञ देतात. योगगुरू बाबा रामदेव यांच्या मते, आयुर्वेदात अशा अनेक गोष्टी आहेत, ज्याद्वारे रक्तातील साखरेची पातळी नियंत्रित केली जाऊ शकते, यापैकी एक म्हणजे हरभरा. थंडीच्या काळात बाजारात चणे सहज उपलब्ध होतात. मधुमेहाच्या रुग्णांसाठी चणे हे सुपरफूडपेक्षा कमी नाही.

हरभरा : खनिजे, जीवनसत्त्वे, फायबर आणि प्रथिने समृद्ध असणाऱ्या हरभऱ्याचा ग्लायसेमिक इंडेक्स (GI) खूप कमी असतो. अँटिऑक्सिडंट गुणधर्मांनी समृद्ध, हरभरा जीवनसत्त्वे ए, बी, सी, डी, फॉस्फरस, पोटॅशियम, कार्बोहायड्रेट्स आणि कॅल्शियमने समृद्ध आहे. हे हृदयासाठी खूप चांगले मानले जाते.

मधुमेहाच्या रुग्णांनी ‘अशा’ प्रकारे हरभरा खावा : स्वामी रामदेव यांच्या मते, मधुमेही रुग्ण वेगवेगळ्या प्रकारे हरभरा खाऊ शकतात. यासाठी मधुमेही रुग्ण सकाळी मूठभर अंकुरलेले हरभरे खाऊ शकतात. याशिवाय हरभऱ्याचे पाणी रक्तातील साखरेची पातळी नियंत्रित ठेवण्यास मदत करते.

हरभरा पाणी बनवण्यासाठी 2 चमचे हरभरे एका ग्लास पाण्यात भिजत ठेवा. नंतर हे पाणी गाळून प्या. तुम्हाला हवे असल्यास तुम्ही हरभरा उकडून किंवा सॅलडच्या स्वरूपातही खाऊ शकता. जेवणात गव्हाच्या पिठाऐवजी हरभरा भाकरी खाऊ शकतो. याशिवाय हरभऱ्याची भाजी करूनही सेवन करता येते. काळ्या हरभऱ्यामध्ये असलेले प्रोटीन रक्तातील साखरेची पातळी नियंत्रित ठेवण्यास मदत करते.

 

आणखी महत्वाच्या बातम्या

आणखी वाचा

पारनेर हादरले! बिबट्याच्या हल्ल्यात तीन वर्षीय बालकाचा मृत्यू

तालुक्यात एकाच आठवड्यात दुसरी घटना; वन्यप्राण्यांचा मानवी वस्तीत वाढता प्रवेश चिंताजनक पारनेर / नगर सह्याद्री पारनेर...

अ‍ॅपल कंपनीचे सरप्राईज; आज iPhone 17 होणार लाँच; किंमत आणि फीचर्स जाणून घ्या…

iPhone 17 Launch 2025 अ‍ॅपल कंपनीने ९ सप्टेंबर रोजी रात्री १०:३० वाजता iPhone 17...

आजचे राशी भविष्य! ‘या’ ७ राशींसाठी शुभ दिवस, कामात मिळणार यश; धनलाभ होणार..

मुंबई । नगर सह्याद्री - मेष राशी भविष्य घरातील प्रलंबित कामं आज तुमचा बराच वेळ...

पक्षापेक्षा कोणीही मोठं नाही : आमदार दाते यांचे मोठे विधान

पारनेर येथे राष्ट्रवादी काँग्रेस पार्टीची बैठक; पदाधिकाऱ्यांच्या नियुक्त्या पारनेर / नगर सह्याद्री रविवार दिनांक ७...