मुंबई। नगर सहयाद्री
मराठा आरक्षणाच्या मागणीसाठी मनोज जरांगे पाटील त्यांच्या अंतरवली सराटी गावाहून मुंबईच्या दिशेला पायी निघाले आहेत. त्यांचा पायी महामोर्चा काल पुण्यात पोहोचला होता. महामोर्चा आज पुण्याकडुन- मुंबईच्या दिशेने कूच करेल. २६ जानेवारी रोजी मुंबईत पोहचण्याचा जरांगे पाटील निर्धार आहे.
बुधवारी मध्यरात्री मराठ्यांचा महाप्रलय पुण्यात धडकला. महामोर्चाचा आजसहावा दिवस आहे. मराठा आरक्षणाबाबत निर्णय घेण्यासाठी मनोज जरांगे पाटील यांनी सरकारला मुदत दिली होती. या मुदतीमध्ये सरकारने या बाबतनिर्णय घेतला नाही. त्यामुळे मनोज जरांगे पाटील आणि मराठा समाज आक्रमक झाला आहे. हे वादळ पुण्याकडुन-मुंबईकडे सरकले असून शेकडो मराठे या आंदोलनात एकवटू लागले आहे.
उपोषण रोखण्यास ‘हायकोर्टाचा’ नकार?
मनोज जरांगे पाटील यांचा महामोर्चा मुबंईत २६ जानेवारीला पोहचणार असून आझाद मैदान उपोषण करणार आहे. मराठा आरक्षणासाठी मुंबईमध्ये उपोषण आंदोलन करण्यापासून मनोज जरांगेंना रोखण्यास मुंबई उच्च न्यायालयाने नकार दिला. सीएएविरोधात नवी दिल्लीतील शाहीनबाग येथे झालेल्या आंदोलनावर सर्वोच्च न्यायालयाने दिलेल्या निकालाचा संदर्भ देत न्यायालयाने स्पष्ट केले की, कायदा व सुव्यवस्था राखण्याची जबाबदारी सरकारचीच आहे.
