मुंबई। नगर सहयाद्री-
Corona Variant JN.1: गेल्या २४ तासांत कोरोनाचा नवा व्हेरिएंट JN.1 चे रुग्ण आढळले आहेत. मंगळवारी १९ डिसेंबर रोजी कोरोनाचे ५०० रुग्ण आढळले. तर गेल्या गेल्या २४ तासांत केरळमध्ये २९२, तामिळनाडू १३, महाराष्ट्र ११, कर्नाटक ९, तेलंगाणा आणि पुडुच्चेरीत ४ रुग्ण आढळले आहेत. दिल्ली आणि गुजरातमध्ये ३, पंजाब आणि गोव्यात १ रुग्ण आढळला आहेत.
कोरोनामुळे १६ जणांचा मृत्यू झाल्याचे आढळल्यानंतर राज्यामध्ये सावधगिरी बाळगण्यासाठी प्रतिबंधात्मक उपाययोजना करण्यात येत आहे. नागरिकांनी आवश्यकतेनुसार गरजेच्या ठिकाणी मास्क घालणे, वारंवार हात धुणे आणि कोरोना प्रतिबंध करणारे वर्तन करणे गरजेचे असल्याचे निर्देश राज्याच्या आरोग्य विभागाने दिले आहेत.
या नवीन उपप्रकाराच्या पार्श्वभूमीवर महाराष्ट्रात सरकारने सर्व जिल्ह्यांना दक्षात घेण्याचे निर्देश देण्यात आले आहेत. राज्यातील सर्व जिल्हे, पालिका आणि शासकीय वैद्यकीय महाविद्यालयांनी या मॉकड्रीलमध्ये सहभाग नोंदवला. रुग्णालयातील उपलब्ध खाटा, आयसीयू, सुविधा, यंत्रसामुग्री, ऑसिजन सुविधा, औषधसाठा, मनुष्यबळ, टेलीमेडिसीन सुविधा यांचा आढावा घेण्यात आला.
JN.1 व्हेरिएंट?
देशाच्या केरळमधील तिरुवनंतरपुरम जिल्ह्यातील काराकुलममध्ये ७८ वर्षीय महिलेमध्ये Corona JN.1 व्हेरिएंट आढळून आला होता. हा व्हेरिएंट ओमिक्रॉनचा सब व्हेरिएंट असलेल्या पिरोलापासून तयार झाल्याचे सांगण्यात आलं आहे.कोरोनाचा नवा व्हेरिएंट हा या आधी कोरोना झाला आहे किंवा लस घेतलेल्यांनाही संक्रमण होण्याची शक्यता आहे. या कोरोनाच्या सुरुवातीच्या लक्षणांमध्ये ताप, सर्दी, नाक गळणे, घसादुखी, गॅस्ट्रो, डोकेदुखी लक्षणे दिसून येतात.
