spot_img
ब्रेकिंगनगरच्या शेतकऱ्यांनी 'या' पिकाच्या लागवडीतून महिन्यांमध्ये कमवले चार लाख

नगरच्या शेतकऱ्यांनी ‘या’ पिकाच्या लागवडीतून महिन्यांमध्ये कमवले चार लाख

spot_img

श्रीगोंदा । नगर सहयाद्री
श्रीगोंदा तालुक्यातील घुगलवडगाव येथील प्रगतशील शेतकरी आबासाहेब विनायक लोखंडे हे मागील सात ते आठ वर्षांपासून दरवर्षी शेतामध्ये खरबूज या वेलवर्गीय फळ पिकाची लागवड करत आहेत.

वडिलोपार्जित शेतीमध्ये ते दरवर्षी ऊस,हरभरा, कांदा, अशा विविध पिकांची लागवड करत आहेत. दरवर्षी साधारण दोन टप्प्यात खरबूज लागवडीचे नियोजन असते. पाण्याची बचत करत त्यांनी ठिबक सिंचनाच्या माध्यमातून खरबूज पिकाचे चांगले उत्पन्न मिळवले आहे. याशिवाय काही शेतकरी भाजीपाला उत्पादनावर देखील भर देत आहेत.

मात्र खरबूज पिकावर कीड रोगाचा प्रादुर्भाव झपाट्याने होत असल्याने खरबूज लागवड करणे तितके सोपे नसून, परंतु आबासाहेब विनायक लोखंडे यांनी मागील सात ते आठ वर्षांपूर्वी सुरू केलेल्या खरबुजाच्या लागवडीत प्रयोगशीलता जपत सातत्य राखले आहे.

दरवर्षी पाच एकर शेतीमध्ये खरबुजाची लागवड करत असतात. परंतु यावर्षी पाण्याअभावी दुष्काळी परिस्थिती असताना त्यांनी एक एकर खरबुजाची लागवड केली. कोणत्याही पद्धतीचे कीटकनाशके व रासायनिक खते न वापरता सेंद्रिय खतांचा वापर करून त्यांनी तीन महिन्यांमध्ये चार लाखांचे उत्पन्न मिळवले आहे.

२०१७ ते २०१८ च्या दरम्यान आबासाहेब लोखंडे यांचा खरबूज पिकाकडे कल वाढला. घुगलवडगाव शिवारामध्ये त्यांनी खरबूज फळ पिकाची प्रथम लागवड केली. लोखंडे यांनी पहिल्या टप्प्यात अर्ध्या एकर मध्ये लागवड करण्याचे ठरविले. सध्या ते दरवर्षी एक ते दोन टप्प्यांमध्ये खरबूज लागवड करत आहेत. अर्ध्या एकर पासून सुरुवात केलेली खरबूज लागवड आज पाच एकरपर्यंत लोखंडे यांनी वाढवली होती परंतु यावर्षी दुष्काळी परिस्थितीत पाण्याअभावी त्यांनी एक एकर खरबुजाची लागवड केली. यंदाच्या हंगामात एकरी सरासरी १६ ते १८ टन उत्पादन मिळाले आहे.

आणखी महत्वाच्या बातम्या

आणखी वाचा

पैसा झाला खोटा, घोटाळा झाला मोठा जादा परताव्याचे आमिष ; अहिल्यानगरकरांचे करोडो रुपये लुटले

अहिल्यानगर । नगर सहयाद्री:- जादा परताव्याचे आमिष, महिनाभरात पैसे डबल करण्याचे आमिष दाखवत जादा...

‌‘एपीएमसी‌’ मार्केट नवी मुंबईतून हद्दपार?, वाचा कारण..

नवी मुंबई | नगर सह्याद्री मुंबईतील वाढती लोकवस्ती, वाहतुकीचे प्रश्न आणि जागेची अनुपलब्धता या कारणांसाठी...

भयंकर अपघात: रेल्वेची क्रॉसिंग पॉईटवर शाळेच्या बसला जोरदार धडक, अनेक चिमुकले..

Railway Crossing Accident: तामिळनाडूच्या कडलूर जिल्ह्यातील सेम्मानगुप्पम भागात आज सकाळी एक हृदयद्रावक अपघात घडला....

बावडी शिवारात धक्कादायक प्रकार; चार आरोपींना तात्काळ अटक!, नेमकं काय घडलं?

श्रीगोंदा । नगर सहयाद्री:- तालुक्यातील बावडी शिवारात गायी व गोऱ्यांची वाहतूक करणाऱ्या मजुरावर चार...