मुंबई / नगर सह्याद्री : प्रसिद्ध मॉडेल आणि अभिनेत्री पूनम पांडे हिचे निधन झाले आहे. सर्वाइकल कॅन्सरने तिचा मृत्यू झाल्याची माहिती मिळाली आहे. गुरुवारी रात्री तीच निधन झालं. पूनमने 2013 मध्ये ‘नशा’ या चित्रपटातून बॉलिवूडमध्ये पदार्पण केलं होतं. poonam pandey
त्यापूर्वी ती मॉडेलिंगमध्ये करिअर करत होती. सोशल मीडिया अकाऊंट्सवरील सेमीन्यूड फोटो आणि व्हिडीओमुळे ती सतत चर्चेत असायची. वयाच्या 32 व्या वर्षी पूनमने अखेरचा श्वास घेतला. तिच्या नावे कोट्यवधी रुपयांची संपत्ती आहे. पूनमची एकूण संपत्ती जवळपास 7 दशलक्ष डॉलर्स म्हणजेच 52 कोटी रुपये इतकी आहे. मुंबईतील वांद्रे परिसरात तिचा आलिशान अपार्टमेंट आहे.
या अपार्टमेंटची किंमत कोट्यवधी रुपये आहे. याशिवाय तिच्याकडे लग्झरी कारसुद्धा आहेत. तिच्याकडे असलेल्या BMW 5 सीरिजमधील सेडान कारची किंमत जवळपास 55 लाख रुपये आहे. ती एका चित्रपटासाठी जवळपास एक कोटी रुपये मानधन स्वीकारत असल्याची माहिती एका रिपोर्टमध्ये देण्यात आली आहे. 1 सप्टेंबर 2020 रोजी तिने बॉयफ्रेंड सॅम बॉम्बेशी लग्न केले होते परंतु, अल्पावधीतच तिने पतीविरोधात पोलिसांत तक्रार दाखल केली. सॅमवर तिने धमकी आणि मारहाणीचा आरोप केला होता.
