अहमदनगर। नगर सहयाद्री-
महायुतीचे उमेदवार डॉ. सुजय विखे पाटील यांना विक्रमी मताधिक्याने निवडून आणण्याची सर्वच पदाधिकारी तन-मन-धनाने काम करणार असल्याचे प्रतिपादन भाजपचे प्रदेश महामंत्री विजय चौधरी यांनी प्रचार नियोजनाच्या बैठकीत मार्गदर्शन करतांना केले आहे.
महायुती अहिल्यानगर दक्षिण जिल्हा व शहर जिल्हा पदाधिकारी प्रबंधन व कोअर कमिटीची डॉ. सुजय विखे पाटील यांच्या प्रचार नियोजनाच्या बैठकी भाजपा प्रदेश महामंत्री विजय चौधरी यांच्या प्रमुख उपस्थितीत शहरातील कोहिनूर मंगल कार्यालयात पार पडली.
यावेळी जिल्हाअध्यक्ष ॲड. अभय आगरकर, बाबासाहेब वाकळे, प्रा. भानुदास बेरड, प्रशांत मुथा, नितीन शेलार, सदाशिव देवगावकर, सुनील रामदासी, भैय्या गंधे, प्रिया जानवे, सचिन पारखी, प्रशांत मुथ्था, महेश नामदे आदीसह मान्यवर उपस्थित होते. यावेळी भाजपचे विजय चौधरी यांनी मार्गदर्शन केले.
चौधरी म्हणाले, महायुतीचे उमेदवार डॉ. सुजय विखे पाटील यांना विक्रमी मताधिक्याने निवडून आणण्याची भाजपा मोर्चा आघाडीचे अध्यक्ष व सर्व पदाधिकारी मोठ्या संख्येने काम करणार आहेत. माननीय पंतप्रधान मोदी यांचे नमस्कार पत्र मोदी परिवार स्टिकर्स या माध्यमातून तसेच समाज घटकांशी पदाधिकारी संवाद साधणार आहेत.
५१% बुथवरची लढाई जिंकण्याची जबाबदारी दिली आहे. प्रत्येक घराघरात संपर्क साधला जाणार आहे. प्रत्येक जण रोज किमान आठ तास पक्ष व देशासाठी वेळ देणार आहे. मोदींना तिसऱ्यांदा विश्वनेता तसेच भारताला विश्व गुरु होण्याकरिता प्रत्येक जण तन-मन-धनाने यात सहभागी होणार असल्याचे सांगितले.
