अहमदनगर। नगर सहयाद्री-
काँग्रेस जिल्हाध्यक्ष किरण काळे यांच्या नेतृत्वाखाली शहर जिल्हा काँग्रेसच्या कार्यकर्त्यांसह आंदोलकांनी मोक्याच्या ठिकाणी असणाऱ्या सुमारे पावणेचार एकर क्षेत्राच्या भूखंड बचावासाठी तथाकथित दलाल यांना सद्बुद्धी दे आंदोलन केले.
यावेळी मनोज गुंदेचा, संजय झिंजे, विलास उबाळे, सुनील क्षेत्रे, किशोर कोतकर, शंकर आव्हाड, अभिनय गायकवाड, आकाश आल्हाट, गणेश चव्हाण, चंद्रकांत उजागरे, गणेश आपरे, गंगाधर जवंजाळ, सुनील भिंगारदिवे, देवराम शिंदे, बाबासाहेब वैरागर, सचिन वाघमारे, दीपक ससाणे, संजय आवारे आदींसह आंदोलक मोठ्या संख्येने सहभागी झाले होते.
यावेळी बोलताना काळे म्हणाले, हा राजकारणाचा विषय नाही. मुलांच्या शैक्षणिक भवितव्याचा विषय आहे. या चुकीच्या आणि हिंद सेवा मंडळाच्या शैक्षणिक हिताला बाधा आणणाऱ्या निर्णयापासून संबंधितांनी परावृत्त झाले पाहिजे. यांनी जर हे पाप केले तर त्यांना परमेश्वर सुद्धा आता माफ करणार नाही हे त्यांनी लक्षात ठेवावे. जागा व्यवसायिकांच्या घशात बेकायदेशीर रित्या घालून हजारो विद्यार्थ्यांचे शैक्षणिक नुकसान यातून होणार आहे. संस्थेच्या हजारो माजी विद्यार्थ्यांमध्ये यामुळे संतापाची लाट निर्माण झाली असल्याचे ते म्हणाले.
