मुंबई / नगर सह्याद्री : एक मोठी बातमी समोर आली आहे. मुंबईतील लोकमान्य टिळक टर्मिनसला भीषण आग लागली.
दुपारच्या सुमारास ही घटना घडली असून प्रवाशांची एकच धावपळ उडाली. लोटमान्य टिळक टर्मिनस स्थानकात बुकिंग आणि वेटिंग हॉलमध्ये ही आग लागल्याचे समजते.
आगीची माहिती मिळताच अग्निशमन दलाच्या वाहनांनी घटनास्थळी धाव घेतली. पोलिसांनी सर्व प्रवाशांना रेल्वे स्थानकातून बाहेर काढले. प्रवाशांच्या यावेळी एकच धावपळ उडाली होती. दरम्यान या आगीत कुणीही जखमी झाल्याची माहिती अद्याप समोर आलेली नाही.
ही आग कशी लागली हे अद्याप समजू शकले नाही. लोकमान्य टिळक टर्मिनस हे मुंबईतील अतिशय महत्त्वाच्या रेल्वे स्थानकांपैकी एक आहे. या रेल्वे स्थानकाहून लांब पल्ल्याच्या गाड्या जातात.
तसेच देशातील वेगवेगळ्या भागातून येणाऱ्या रेल्वे गाड्यांमधून लाखो प्रवासी या रेल्वे स्थानकावर येत असतात. या रेल्वे स्थानकावर नेहमी प्रवाशांची वर्दळ असते. लाखो प्रवासी दररोज रेल्वे स्थानकावर ये-जा करतात.
अनेक जण इथे वेटिंग रुममध्ये आपल्या ट्रेनची वाट पाहात बसलेली असतात. असं असताना अचानक रेल्वे स्थानकाला आग लागल्याने खळबळ उडाली आहे.
