नवी दिल्ली / नगर सहयाद्री : ED कडून सध्या विविध राजकीय नेत्यांभोवती चौकशीचा फास आवळला जात आहे. महाराष्ट्रातील काही नेत्यांना अटकही करण्यात आली होती. केंद्रातील सरकार आपल्या राजकीय फायद्यासाठी ईडीचा वापर करते, असा आरोप विरोधी पक्षांकडून भाजपावर केला जातो.
आता आणखी एका राज्याच्या मुख्यमंत्र्यांची भर यात पडेल अशी शक्यता वर्तवण्यात येत आहे. ईडीकडून यावेळी थेट अटकेची कारवाई होऊ शकते असे म्हटले जात आहे. जमीन घोटाळ्याशी संबंधित मनी लॉन्ड्रिंग केसमध्ये चौकशी करण्यासाठी प्रवर्तन निर्देशालयची एक टीम राजधानी दिल्लीत दाखल झाली आहे.
ही टीम हेमंत सोरेन यांच्या निवासस्थानी दाखल झाली आहे. हेमंत सोरेन हे झारखंडचे मुख्यमंत्री आहेत. हेमंत सोरेन हे दक्षिणी दिल्लीतील शांती निकेतन या निवासस्थानी राहतात. त्यांच घर दक्षिणी दिल्लीतील पॉश भागात आहे. हेमंत सोरेन यांची आधी सुद्धा ईडीने चौकशी केली आहे.
ईडीने रांचीमध्ये आठ तास त्यांची चौकशी केली होती. हेमंत सोरेन यांना काही दिवसांपूर्वी 10 व समन पाठवण्यात आलं. हजर नाही झालात, तर आम्ही चौकशीसाठी येऊ असं ईडीने आधीच सांगितलं होतं. प्रवर्तन निर्देशालयाकडून समन जारी झाल्यानंतर हेमंत सोरेन अचानक दिल्लीला रवाना झाले.
