Accident News: पाथर्डी तालुक्यातील करंजी गावाजवळ रविवारी (दि.६ ऑक्टोबर) रोजी पहाटे चार वाजण्याच्या सुमारास ट्रॅव्हल्स बस आणि कारची जोरदार धडक झाली. अपघातामध्ये कारमधील दोन वर्षाची मुलगी जागीच ठार झाली. तर तीन जण गंभीर जखमी झाले आहे. शुभांगी अभिजीत शिरसाठ (रा. पाईपलाईन रोड, अहिल्यानगर) असे मयत चिमुकलीचे नाव आहे.
रविवार दि. ६ रोजी पहाटे चार वाजण्याच्या सुमारास पाथर्डीकडून नगरकडे जात वॅग्नर कारला समोरून येणाऱ्या ट्रॅव्हल बसने जोराची धडक दिली. या अपघातामध्ये दोन वर्ष वयाच्या मुलीचा जागीच मृत्यू झाला आहे. तर इतर तीनजण गंभीर जखमी झाले आहेत.
अपघाताची माहिती मिळताच पोलिसांनी घटनास्थळी धाव घेत जखमींना तात्काळ उपचारासाठी रुग्णालयात दाखल करण्यात आले. अपघातामुळे काही वेळ महामार्गावरील वाहतूक ठप्प झाली होती. पोलीस प्रशासनाच्या मदतीने दोन्ही अपघातग्रस्त वाहने बाजूला करून वाहतूक सुरळीत करण्यात आली.
